site
stats
پاکستان

جوابی کارروائی میں بھارتی پوسٹیں تباہ کردیں، آئی ایس پی آر

راولپنڈی : ڈی جی آئی ایس پی آر نے کہا ہے کہ بھارتی فوج نے 13 مئی کو مارٹراورآرٹلری سےسول آبادی کونشانہ بنایا جس کے جواب میں پاک فوج نے کارروائی کرتے ہوئے بھارتی پوسٹیں تباہ کردیں۔

ڈی جی آئی ایس پی آر میجر جنرل آصف غفور نے سماجی رابطے کی ویب سائٹ ٹوئٹر پر اپنے پیغام میں پاکستانی پوسٹیں تباہ کرنے کے بھارتی دعویٰ کو حقائق کےمنافی قرار دیتے ہوئے کہا کہ بھارتی دعوی کے برعکس پاک فوج نے جوابی کارروائی میں بھارتی پوسٹیں تباہ کیں اور اس کی ویڈیو بھی جاری کردی گئی ہے۔

ڈی جی آئی ایس پی آر آصف غفور نے ایک پریس ریلیز میں تفصیلات بتاتے ہوئے کہا کہ بھارتی فوج نے 13 مئی کو بھمبرسیکٹرمیں بلااشتعال فائرنگ کی جس کے نتیجےعام شہری شہیدوزخمی ہوئے جب کہ بھارتی اشتعال انگیزی سے انفرا اسٹرکچرکو بھی نقصان پہنچا۔

ڈی جی آئی ایس پی آر نے کہا کہ پاک فوج نے جوابی کارروائی میں بھارتی اشتعال انگیزی کا مؤثرجواب دیا جس سے بھارت کو نقصان اُٹھانا پڑا اور بھارتی پوسٹوں کو تباہ کردیا گیا جس کے بعد بھارتی توپیں خاموش ہو گئیں۔

میجر جنرل آصف غفور نے کہا کہ پاک فوج نےہمیشہ بھارتی اشتعال انگیزی پرہی جوابی کارروائی کرتی ہے کیوں کہ پاکستان لائن آف کنٹرول پرامن کے فروغ کا خواہاں ہے اور خطے میں قیام امن کے لیے اپنی ذمہ داریاں احسن طریقے سے نبھاتا رہے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top