The news is by your side.

Advertisement

ڈی جی آئی ایس پی آر کی اے آر وائی کو 19ویں سالگرہ پر مبارکباد

راولپنڈی : ڈی جی آئی ایس پی آر میجر جنرل آصف غفور نے افواج پاکستان کی جانب سے اے آر وائی کو 19ویں سالگرہ پر مبارکباد دیتے ہوئے نیک خواہشات کا اظہار کیا اور کہا اےآروائی نے پاک فوج کی ملکی سالمیت، بہتری کیلئے کاوشوں کو اجاگر کیا، امید کرتا ہوں اےآروائی ہمیشہ اپنےاس کردار کو نبھاتا رہے گا۔

تفصیلات کے مطابق ڈی جی آئی ایس پی آر میجر جنرل آصف غفور نے افواج پاکستان کی جانب سے اے آر وائی کو 19ویں سالگرہ پر مبارکباد دیتے ہوئے کہا اے آر وائی نے 19سال میں ملک کی اور نیوز، انٹرٹینمنٹ شعبے میں بھرپور خدمت کی۔

ڈی جی آئی ایس پی آر کا کہنا تھا کہ اےآروائی نے پاک فوج کی ملکی سالمیت اور بہتری کیلئے کاوشوں کو اجاگر کیا ، اے آر وائی ٹیم کے کردار پر خصوصی شکریہ ادا کرتا ہوں اور نیک خواہشات کا اظہار کرتا ہوں۔

میجر جنرل آصف غفور نے کہا امید کرتا ہوں اے آروائی ہمیشہ اپنے اس کردار کو نبھاتا رہے گا۔

خیال رہے دنیا بھر کے کروڑوں ناظرین کا پسندیدہ چینل اے آر وائی نیٹ ورک کی آج19ویں سالگرہ منائی جارہی ہے، 16 ستمبرسنہ دو ہزار کو لندن کے ایک دفتر سے شروع ہونے والا اے آر وائی پاکستان کی شناخت بنا، انیس برس میں اے آر وائی میڈیا انڈسٹری پر چھا گیا۔

مزید پڑھیں : پاکستانیوں کے دل کی آواز : اے آر وائی نیٹ ورک کی19ویں سالگرہ آج منائی جارہی ہے

اے آر وائی نیوز پاکستان میں سب سے زیادہ دیکھا جانے والا سب سے معتبر نیوز چینل ہے، اس کے علاوہ اے آر وائی کیو ٹی وی پاکستان کا سب سے پہلا اور سب سے بڑا مذہبی چینل ہے جس کا طرہ امتیاز مذہبی ہم آہنگی کا فروغ اور دین کا فہم عام کرنا ہے۔

اے آر وائی زندگی ہر گھر میں زندگی کے رنگ بکھیر رہا ہے جبکہ اے آروائی میوزک جدید میوزک میں پاکستان کو عالمی افق پر متعارف کرارہا ہے۔

اے آر وائی فیملی میں عالمی شہرت یافتہ فلم چینل ایچ بی او بھی شامل ہے جہاں ہر روز ہالی ووڈ کی نئی اور بلاک بسٹر فلمیں پاکستان میں پیش کی جاتی ہیں اور نکولوڈین سے کون واقف نہیں جوعالمی سطح پر بچوں کا جانا پہچانا ایک چینل ہے، اور یہ بھی اے آر وائی فیملی کا حصہ ہے۔

Comments

comments

یہ بھی پڑھیں