The news is by your side.

Advertisement

ڈی جی خان ؛ پولیس مقابلے میں 2 اشتہاری ملزم ہلاک، اہلکار شہید

ڈی جی خان: ڈیرہ غازی خان میں پولیس مقابلے میں 2 اشتہاری ملزم ہلاک جب کہ فائرنگ کے تبادلے میں ایک اہلکار شہید ہوگیا۔

تفصیلات کے مطابق پولیس نے لادی گینگ کےاشتہاری ملزمان کوروکنےکی کوشش کی تو موٹرسائیکل سوار ملزمان نےاہلکاروں پر اندھا دھند فائرنگ کردی جس پرپولیس نے جوابی فائرنگ کرکے دو ملزمان کو ہلاک کردیا۔

فائرنگ کے تبادلےکے دوران ایک پولیس اہلکار جام شہادت نوش کرگیا جب کہ دوطرفہ فائرنگ کے نتیجے میں ایک راہ گیر گولی لگنے سے شدید زخمی ہوا جسے طبی امداد کے لیے اسپتال منتقل کیا گیا جہاں وہ جانبرنہ ہوسکا۔

موصولہ اطلاعات کے مطابق ملزمان اورپولیس کے درمیان اب بھی فائرنگ کا تبادلہ جاری ہے اور پولیس کی اضافی نفری کو طلب کرکے علاقے کو گھیرے میں لے لیا گیا ہے۔

پولیس نے ہلاک ہونے والے ملزمان کی لاشوں کو اسپتال منتقل کردیا ہے اور ضابطے کی کارروائی کے بعد میتوں کو لواحقین کے حوالے کیا جائے گا۔

fb-share-icon0
Tweet 20

Comments

comments

یہ بھی پڑھیں