سوشل میڈیا پرشراب کی کھلے عام دعوت، پولیس کی کارروائی -
The news is by your side.

Advertisement

سوشل میڈیا پرشراب کی کھلے عام دعوت، پولیس کی کارروائی

ڈیرہ غازی خان : لوگوں کو سر عام شراب کی دعوت دینے پر پولیس نے ڈیرہ غازی خان کے رہائشی کی تلاش شروع کردی، ملزم نے سوشل میڈیا پر پوسٹ کیے گئے ایک مہندی کے کارڈ میں ’’پارٹی‘‘ کی دعوت دی تھی۔

تفصیلات کے مطابق ڈیرہ غازی خان کے شہری شیخ برہان کی رسم حنا کا متنازعہ کارڈ سوشل میڈیا پر آنے کے بعد پولیس کی دوڑیں لگ گئیں، رسم حنا کے کارڈ میں شراب کی بوتلوں کی تصاویر بھی بڑی بہادری سے لگائی گئی ہیں۔

اس کارڈ میں مہمانوں کو سر عام شراب پینے کی دعوت دی گئی ہے۔ پولیس نے مقدمہ درج کرنے کے بعد کارروائی کرتے ہوئے شراب کی بوتلیں اپنی تحویل میں لےلیں۔

اس حوالے سے سینئر صحافی اسد کھرل کا کہنا ہے کہ تھانہ سٹی پولیس نے جو ایف آئی آر درج کی ہے اس میں کہا گیا ہے کہ ہم فیس بک کے حوالے سے ملنے والی اطلاع پر کارروائی کیلیے گئے تو وہاں صرف ایک شخص جو ایک تھیلے میں شراب کی بوتلیں لے جا رہا تھا پولیس کو دیکھتے ہی تھیلا چھوڑ کر فرار ہوگیا۔

tun-party

اسد کھرل کے مطابق پولیس نے کسی ملزم کو گرفتار نہیں کیا ہے، پولیس نے ایف آئی آر میں لکھا ہے کہ تھیلے سے شراب کی 45 بوتلیں برآمد کی گئیں ہیں جبکہ سوشل میڈیا پر دکھائے جانے والے کارڈ میں تقریب کے میزبان سمیت دیگر افراد کے نام بھی نمایاں طور پر چھاپے گئے ہیں۔

یاد رہے کہ آج ہی ٹوبہ ٹیک سنگھ میں ناقص شراب پینے کی وجہ سے چودہ افراد ہلاک ہو چکے ہیں۔

Comments

comments

یہ بھی پڑھیں