کراچی : ڈی جی میٹ کا کہنا ہے کہ کراچی میں بارش بنانے والا سسٹم کمزور پڑ گیا ہے ، آج شام تک وفقے وقفے سے بارش کا سلسلہ جاری رہے گا اور سسٹم آج منگل اوربدھ کی درمیانی شب ختم ہو جائے گا۔
تفصیلات کے مطابق کراچی میں بارش برسانے والا سسٹم کمزور پڑنے لگا، محکمہ موسمیات کا کہنا ہے کہ بارش بنانے والے آدھے بادل جنوب مغرب میں سمندر میں داخل ہوگئے ہیں اور بارش کاسسٹم آج اورکل کی درمیانی شب ختم ہوجائےگا۔
ڈائریکٹر جنرل محکمہ موسمیات سردارسرفراز کا کہنا ہے کہ منگل کے روز بھی بارش کا سلسلہ جاری رہے گی، کل بارش کی شدت آج کے مقابلے میں کچھ کم ہوسکتی ہے، بارش کا یہ سلسلہ بدھ کی صبح تک برقرار رہ سکتا ہے۔
شہر کا موجودہ درجہ حرارت 29 ڈگری سینٹی گریڈ اور ہوا میں نمی کا تناسب 79 فیصدہے جبکہ ہوا 34 ناٹیکل میل کی رفتار سے چل رہی ہے۔
محکمہ موسمیات کے مطابق گزشتہ اڑتالیس گھنٹوں کےدوران کراچی میں اوسطاً ستاون ملی میٹربارش ہوئی، سب سے زیادہ بارش سرجانی ٹاؤن میں 17ملی میٹر ریکارڈ کی گئی ، لانڈھی میں9، ناظم آبادمیں7ملی میٹر ، نارتھ کراچی میں5.8 ملی میٹربارش ہوئی، سب سےکم بارش کیماڑی میں1.5 ملی میٹر ریکارڈ کی گئی۔
دوسری جانب سب سے زیادہ بارش ٹھٹھہ میں ایک سونوےاور حیدرآبادمیں ایک سواٹھاسی ملی میٹر، ٹنڈوجام میں ایک سو بتیس،نوابشاہ میں ایک سو دس، پڈ عیدین میں ستانوے، مٹھی میں باون اور میرپور خاص میں اننچاس ملی میٹربارش ریکارڈ کی گئی۔
