The news is by your side.

Advertisement

خواجہ صاحب جب کرپشن نہیں کی تو ڈرنا کیسا، ڈی جی نیب لاہور

لاہور: ڈی جی نیب سلیم شہزاد کا کہنا ہے کہ خواجہ صاحب ٹی وی پرجوکہتےہیں اس کے ثبوت بھی پیش کریں، جب کرپشن نہیں کی توڈرناکیسا۔

تفصیلات کے مطابق ڈی جی نیب سلیم شہزاد نے میڈیا سے غیررسمی گفتگو کرتے ہوئے کہا کہ خواجہ سعدرفیق کےاراضی لین دین میں شکوک شبہات ہیں، سعدرفیق اور خواجہ سلمان کیخلاف انکوائری میں پیشرفت متوقع ہے۔

ڈی جی نیب کا کہنا تھا کہ خواجہ صاحب ٹی وی پرجو کہتےہیں اس کے ثبوت بھی پیش کریں، جب کرپشن نہیں کی تو ڈرنا کیسا۔

احد چیمہ کے حوالے سے سلیم شہزاد نے کہا کہ احدچیمہ کاپیراگون سٹی سےگہراتعلق ہے، احدچیمہ براہ راست پیراگون کےمعاملات میں ملوث رہا، اراضی احدچیمہ اور ان کا خاندان خریدرہا تھا ادائیگی پیراگون کررہاتھا، یہ کیا اتفاق ہے۔

ان کا کہنا تھا کہ احدچیمہ نے بطور ڈی جی پیرا گون سٹی سےفوائدحاصل کیے، احد چیمہ نے ایل ڈی اےسٹی میں بھی پلاٹ لیا، احد چیمہ سرکاری کام کر رہے تھے اور  فائدہ فیملی والے اٹھا رہے تھے۔

ڈی جی نیب لاہور نے مزید کہا کہ پیراگون نے کیوں ایک بیورو کریٹ کو فائدے پہنچائے، احد چیمہ کےفیملی ممبرز کے اکاؤنٹس میں غیر معمولی اضافہ ہوا۔

سلیم شہزاد کا کہنا تھا کہ سعدرفیق کےکیس میں میرٹ پرفیصلہ کرینگے، سب لوگ کہتےہیں احتساب کریں مگردوسروں کا، چیئرمین نیب کی ہدایت پر ایمانداری سے فرائض انجام دے رہے ہیں۔

انھوں نے مزید کہا کہ سعدرفیق قابل عزت سیاستدان ہیں، نیب نےخواجہ سعدرفیق کی کوئی دستاویزات لیک نہیں کیں، نیب اپنی تحقیقات میں سچ سامنے لائے گا۔

واضح رہے کہ گزشتہ سال نومبر میں آشیانہ ہاؤسنگ سوسائٹی کی تحقیقات میں یہ انکشاف ہوا تھا کہ وفاقی وزیر ریلوے خواجہ سعد رفیق کے پیراگون سوسائٹی سے براہ راست روابط ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں