ڈی جی نیب لاہور پر بلاوجہ تنقید کی جارہی ہے، سابق ڈی جی نیب پنجاب - شہباز شریف کے بیان
The news is by your side.

Advertisement

ڈی جی نیب لاہور پر بلاوجہ تنقید کی جارہی ہے، سابق ڈی جی نیب پنجاب

لاہور : قومی احتساب بیورو پنجاب کے سابق ڈائریکٹر جنرل کرنل ریٹائرڈ شہزاد نے کہا ہے کہ شہزاد سلیم نے بات کرکے حد سے تجاوز نہیں کیا، شہباز شریف کے اسمبلی میں بیان کے جواب میں بات کی گئی۔

یہ بات انہوں نے میڈیا سے گفتگو کرتے ہوئے کہی، کرنل ریٹائرڈ شہزاد کا مزید کہنا تھا کہ ڈی جی نیب لاہور نے کچھ ایسی بات نہیں کی جس پر اتنی تنقید کی جا رہی ہے۔

ڈی جی نیب لاہور شہزاد سلیم نے میڈیا پر بات کرکے حد سے تجاوز نہیں کیا بلکہ شہباز شریف کے اسمبلی میں بیان کے جواب میں بات کی گئی۔

انہوں نے کہا کہ اس سے قبل بھی نیب کے ڈی جیز میڈیا پر پہلے بھی مختلف مقدمات پر بات کرتے رہے ہیں کیونکہ یہ ہائی پروفائل کیس ہے اس لیے سیاسی طور پر اس ایشو پر زیادہ شور ہو رہا ہے۔

انہوں نے کہا کہ شہبازشریف جب قومی اسمبلی آئے تو ایوان کو بتایا تھا کہ نیب نے ان سے کیا کیا پوچھا اور انہوں نے کیا جوابات دیئے

واضح رہے کہ قومی احتساب بیورو کے چیئرمین جسٹس (ر) جاوید اقبال نے گزشتہ روز مختلف ٹی وی چینلز پر ڈی جی نیب لاہور شہزاد سلیم کے انٹرویو میں کی جانے والی گفتگو سے متعلق تفصیلات پیمرا سے طلب کرلی ہیں۔

اس حوالے سے ترجمان کا کہنا ہے کہ ادارہ تمام اراکین اسمبلی کااحترام کرتا ہے، یہ دیکھنا بھی مقصود ہے کہ گفتگو میں کوئی بات حقائق کے برعکس تو نہیں کہی گئی؟

Comments

comments

یہ بھی پڑھیں