وزیر تعلیم پنجاب رانا مشہود کیخلاف تحقیقات شروع کردی ہیں، ڈی جی نیب -
The news is by your side.

Advertisement

وزیر تعلیم پنجاب رانا مشہود کیخلاف تحقیقات شروع کردی ہیں، ڈی جی نیب

لاہور : ڈی جی نیب پنجاب سید برہان علی نے کہا ہے کہ وزیر تعلیم پنجاب رانا مشہود کے خلاف تحقیقات شروع کرچکے ہیں۔ رانا مشہود سے میرے تعصب کی باتیں درست نہیں ہیں۔

ان خیالات کا اظہار انہوں نے لاہور میں انسداد بدعنوانی کی آگاہی مہم کے سلسلے میں منعقدہ تقریب سے خطاب اور میڈیا سے گفتگو کرتے ہوئے کیا۔

ڈی جی نیب پنجاب برہان علی کا کہنا تھا کہ کسی کی خواہش پر مقدمہ درج نہیں ہوتا شواہد کی بنیاد پر ریفرنس دائر کیا جاتا ہے۔

سید برہان علی نے بتایا کہ آصف ہاشمی کے خلاف کرپشن کے پانچ مقدمات میں تحقیقات مکمل ہوچکی ہیں۔آصف ہاشمی کو متعدد نوٹسز بھجوائے گئے ہیں مگر ان نوٹسز کا جواب موصول نہیں ہو ا۔

انہوں نے کہا کہا اگر آصف ہاشمی شامل تفتیش نہ ہوئے تو انہیں اشتہاری قرار دے کر ریڈ وارنٹ جاری کئے جائیں گے۔

ڈی جی نیب سید برہان علی کا کہنا تھا کہ پیپلز پارٹی کے خلاف ہی نہیں حکمران جماعت کے بھی چھ سے زائد افراد کے خلاف کرپشن کی تحقیقات ہورہی ہیں۔

Comments

comments

یہ بھی پڑھیں