The news is by your side.

Advertisement

شرجیل میمن پروٹوکول‘ رینجرز نے سوشل میڈیا اطلاعات کو پروپیگنڈا قراردے دیا

کراچی: ڈی جی رینجرز( سندھ ) کا کہنا ہے کہ شرجیل میمن کو رینجرز نے پروٹوکول نہیں دیا ہے، رینجرزاہلکار ٹریفک جام کلیئر کرا رہے تھے۔

تفصیلات کے مطابق سوشل میڈیا پر شرجیل میمن کے حیدرآباد جلسے کے حوالے سے ایک تصویر سوشل میڈیا پر وائرل ہوئی، جس میں رینجرز کو تنقید کا نشانہ بنایا گیا، جس کے بعد تصویر کی وضاحت کرتے ہوئے  ڈی جی رینجرز( سندھ ) مینجر جنرل محمد سیعد کا کہنا تھا کہ شرجیل میمن کو رینجرز نے پروٹوکول نہیں دیا ہے، جبکہ رینجرزاہلکارٹریفک جام کلیئر کرا رہے تھے۔

rangers

ڈی جی رینجر کا کہنا تھا کہ اگر رینجرز پروٹوکول دینا ہوتا تو کراچی سے حیدرآباد کا بھی دیا جاتا، یہ محض اتفاق تھا کہ ٹریفک جام کے وقت شرجیل میمن کا قافلہ پہنچا تھا، ٹریفک جام کلیئر کراتے وقت رینجرز اہلکاروں کی تصاویر لی گئی ہیں۔

 

واضح رہے کہ چند روز قبل پیپلزپارٹی کے رہنما اور سابق صوبائی وزیر شرجیل میمن دبئی سے اسلام آباد ایئرپورٹ پہنچے تو نیب کی ٹیم نے انہیں حراست میں لے لیا تھا، جس کے بعد سابق صوبائی وزیر کو احتساب بیوروہیڈ کوارٹرراولپنڈی میں رکھا گیا، نیب حکام نے ڈیڑھ گھنٹے سے زائد سابق شرجیل میمن سے پوچھ گچھ کی، بعد ازاں سابق وزیر نے اپنی ضمانتی دستاویزات پیش کیں، جن کی جانچ پڑتال اور دستاویزات کی تصدیق ہونے کے بعد نیب نے انہیں رہا کردیا تھا۔

خیال رہے کہ سابق صوبائی وزیر شرجیل میمن پر الزام ہے کہ انہوں نے سات اشتہاری کمپنیوں کو پانچ ارب روپے کے اشتہارات کی منظوری دی اور ان پانچ ارب روپے کے اشتہارات میں سے تین ارب روپے خردبرد کی ہے.

Print Friendly, PDF & Email

Comments

comments

یہ بھی پڑھیں