دبئی : متحدہ عرب امارات کے حکام نے شہریوں کو خبردار کیا ہے کہ سماجی رابطوں کی سوشل میڈیا پر فلیٹس کی فروخت کے جعلی اشتہار دینے والے پر جرمانہ عائد کیا جائے گا۔
خلیج ٹائمز کی رپورٹ کے مطابق متحدہ عرب امارات کی ریاست دبئی کے لینڈ ڈپارٹمنٹ نے شہریوں کو متنبہ کیا ہے کہ سماجی رابطوں کی ویب سائٹس پر فلیٹس کی فروخت کے جعلی اشتہارات دینے یا غلط معلومات فراہم کرنے والے کو بھاری جرمانے کا سامنا کرنا پڑے گا۔
اماراتی حکام کا کہنا تھا کہ متعلقہ حکام نے رئیل اسٹیٹ کمپنیوں کو بھی وارننگ جاری کی ہے کہ گمراہ کن معلومات فراہم کرنے والے اداروں اور افراد پر 50 ہزار درہم جرمانہ عائد کیا جائے گا۔
دبئی لیںڈ ڈپارٹمنٹ کا کہنا تھا کہ قوانین کی خلاف ورزی کرنے والے شہریوں کو سخت سزاؤں کا سامنا کرنا پڑے گا۔
رئیل اسٹیٹ ریگولیٹری ایجنسی کی جانب سے رئیل اسٹیٹ ملازمین کو سماجی رابطوں کی ویب سائٹس پر گمراہ کن اور غلط اشتہارات کو چیک کریں تاکہ شہریوں کو دھوکا دہی سے بچایا جاسکے۔
مزید پڑھیں: خبردار!پرائیویسی میں مخل ہونے پرپانچ لاکھ درہم کا جرمانہ ہوسکتا ہے
مزید پڑھیں : مدرسے میں تشدد کی وائرل ویڈیودبئی کی نہیں، حکام
خیا ل رہے کہ متحدہ عرب امارات میں ’جعلی اور من گھڑت خبریں‘ پھیلانے کو خلاف قانون جرم تصور کیا جاتا ہے اور قانون میں اس کے لیے قید اور جرمانے دونوں کی سزائیں موجود ہیں۔ جرمانے کی حد زیادہ سے زیادہ دس لاکھ درہم بھی ہوسکتی ہے۔
