پیر, فروری 10, 2025
اشتہار

بجلی کی بندش، دھابے جی پر لائن پھٹ گئی، کراچی کو پانی کی فراہمی بند

اشتہار

حیرت انگیز

کراچی: کے الیکٹرک کی ٹرانسمیشن لائن میں خرابی اور دھابے جی پر بہتر انچ قطر کی پائپ لائن پھٹنے سے شہریوں کو کروڑوں گیلن پانی فراہم نہیں کیا جاسکا۔

اے آر وائی نیوز کے نمائندے انجم وہاب کے مطابق کے الیکٹرک کی ٹرانسمیشن لائن میں خرابی آگئی جس کے سبب واٹر بورڈ کے پمپنگ اسٹیشنز دھابے جی، گھارو اور پپری کے پمپنگ اسٹیشنز کو بجلی کی فراہمی معطل ہوگئی۔

بجلی فیل ہونے سے پمپنگ اسٹیشن پر نصب پانی فراہمی کرنے والی موٹریں بند ہوگئیں اور شہریوں کو کئی کروڑ گیلن پانی فراہم نہیں کیا جاسکا۔

مزید برآں واٹر بورڈ کی دھاجے جی پر پانی فراہم کرنے والی 72 انچ قطر کی پائپ لائن پھٹ گئی جس کے بھی سبب شہریوں کو پانی کی فراہمی تعطل کا شکار ہوگئی۔ واٹر بورڈ نے پائپ لائن کی مرمت شروع کردی۔

واضح رہے کہ شہری پہلے ہی پانی کی قلت کا شکار ہیں اب دھابے جی پر لائن پھٹنے اور کے الیکٹرک کی ٹرانسمیشن لائن میں خرابی کے سبب پمپنگ اسٹیشنز بند ہونے سے صورتحال مزید گھمبیر ہوگئی ہے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں