ڈھاکہ حملے کے بعد انگلش ٹیم کا دورہ بنگلہ دیش منسوخ ہونے کا امکان -
The news is by your side.

Advertisement

ڈھاکہ حملے کے بعد انگلش ٹیم کا دورہ بنگلہ دیش منسوخ ہونے کا امکان

لندن : ڈھاکا حملے کے بعد انگلش کرکٹ بورڈ کے سیکورٹی خدشات بڑھ گئے، ای سی بی کا کہنا ہے کہ دورے سے پہلے بنگلادیش کے حالات مانیٹر کریں گے۔

تفصیلات کے مطابق بنگلہ دیش کے دارالحکومت ڈھاکا میں حملے کے بعد بنگلادیش بھی سیکورٹی خدشات کی زد میں آگیا۔ متعدد غیر ملکیوں کی ہلاکت کے بعدانگلینڈ کی ٹیم کا دورہ منسوخ ہونے کا امکان پیدا ہو گیا ہے۔

انگلینڈ کرکٹ بورڈ نے دورے کو حکومت کی مشورے سے مشروط قراردے دیا۔ انگلش بورڈ کا کہنا ہے کہ دورے سے پہلے بنگلادیش کی صورت حال کو قریب سے مانیٹر کریں گے۔

ان کا کہنا ہے کہ کھلاڑیوں اورمنجمینٹ کی سیکورٹی پہلی ترجیح ہے۔ اگر ہماری حکومت نے اجازت نہ دی یا ہمارے کھلاڑیوں نے اس دورے کیلئے اظہار تشویش کیا تو ٹیم کو نہیں بھیجا جائے گا۔

یاد رہے کہ انگلینڈ کی ٹیم نے رواں سال ستمبر میں بنگلادیش کادورہ کرنا ہے۔ جہاں دوٹیسٹ اورتین ون ڈے کھیلے جائیں گے۔

آسٹریلیا گذشتہ سال بنگلادیش کا دورہ کرنے سے انکار کرچکا ہے، جبکہ رواں سال کرکٹ آسٹریلیا نے انڈر نائن ٹین ٹیم بنگلادیش نہیں بھیجی تھی۔

واضح رہے کہ بنگلہ دیش کی وزیراعظم حسینہ واجد ماضی میں سکیورٹی کو بہانہ بنا کر اپنی ٹیم کو پاکستان بھجنے سے انکار کر چکی ہیں۔

 

Comments

comments

یہ بھی پڑھیں