جدہ: مدینہ سے 151 مسافروں کو ڈھاکا لے جانے والے سعودی مسافر طیارے نے فنی خراب کے باعث جدہ ایئرپورٹ پر ہنگامی لینڈنگ کی۔
عرب میڈیا کے مطابق سعودی عرب کی فضائی کمپنی کے سرکاری ترجمان عبدالرحمان الطیب نے کہا ہے کہ 21 مئی بروز پیر ایئر بس کی پرواز نمبر 3818 مدینہ منورہ سے ڈھاکا جارہی تھی کہ مقامی وقت کے مطابق رات 8 بجے طیارے کے اگلے ٹائر میں فنی خرابی پیدا ہوگئی جس کے نتیجے میں کپتان نے طیارے کو جدہ کے کنگ عبدالعزیز ایئرپورٹ لے جانے کا فیصلہ کیا۔
Saudia Airbus A330-200 leased from Onur Air (TC-OCH) made an emergency landing at Jeddah Airport without its nosegear resulting in damage when nose sank to the ground. Flight #SV3818 made emergency evacuation via slides on the runway. https://t.co/1jmQ6Endfi pic.twitter.com/3wCtM3Dyck
— JACDEC (@JacdecNew) May 21, 2018
فضائی کمپنی کے ترجمان کے مطابق ایمرجنسی لینڈنگ کے وقت طیارے کا اگلا ٹائر نہیں کھل سکا، متعدد کوششوں کے بعد آخر کار اگلے ٹائر کے کھلے بغیر ہی ہنگامی لینڈنگ کا فیصلہ کیا گیا۔
کسی بھی ہنگامی صورتحال سے نمٹنے کے لیے جدہ ایئرپورٹ کے رن وے تمام انتظامات مکمل کرلیے گئے تھے، طیارے نے بحفاظت لینڈنگ کی جس کے بعد 141 مسافروں اور عملے کے 10 ارکان کو طیارے سے اتار لیا گیا۔
#عاجل فيديو لطائرة #الخطوط_السعودية المستأجرة تهبط قبل قليل اضطرارياً بسلام في #مطار_الملك_عبدالعزيز الدولي في جدة رحلة sv3818 المدينة – دكا
نتيجة لعطل فني في عجلة الهبوط الأمامية ولا وجود لإي إصابات معلنة حتى الان ، الطائرة من طراز A300 pic.twitter.com/L8Vf92lOT1— عشاق عالم الطيران (@AviationWG) May 21, 2018
ترجمان کا کہنا ہے کہ اللہ کے فضل کے بعد کامیاب لینڈنگ میں کپتان کی اہلیت نے اہم کردار ادا کیا جبکہ متعلقہ حکام نے واقعے کی تحقیقات شروع کردی ہیں، جن کی تکمیل پر مربوط رپورٹ جاری کی جائے گی۔
