site
stats
اہم ترین

ڈسکہ کےگھر میں آتشزدگی،3معذور بچےجاں بحق

سیالکوٹ:ڈسکہ کے ایک گھر میں رکھے گیس سلنڈروں کےباعث آگ لگنےسےتین معذور بچے جھلس کر جاں بحق ہو گئے۔

تفصیلات کے مطابق صوبہ پنجاب کے شہر سیالکوٹ کی تحصیل ڈسکہ کے گھر میں رات دس بجے لگنے والی آگ کوریسکیو عملہ بجھانے میں ناکام رہا۔

تین سلنڈروں نے آگ کیسے پکڑی کسی کو معلوم نہیں لیکن ان سے نکلتے تیز شعلوں نےگھر کےعلاوہ ہمسایوں کو بھی لپیٹ میں لے لیا۔کچھ دیر بعد پتہ چلا کہ شعلوں میں لپٹے گھر کی چھت پر تین معذور بہن بھائی موجود ہیں۔

اسسٹنٹ کمشنرکا کہناتھاکہ جب تک سلنڈروں میں گیس ہے اسے بجھایا نہیں جا سکتا۔

ریسکیو عملہ آگ بجھانے کی کوشش کرتا رہا لیکن معذور بچوں کو بچایا نہ جاسکا اور وہ آتشزدگی میں جھلس کر جاں بحق ہوگئے۔آگ بجھنے پر تینوں معذور بہن بھائیوں کی لاشیں نکال لی گئیں۔

مزید پڑھیں:لاہور:گارمنٹس فیکٹری میں آتشزدگی،3مزدور جاں بحق

یاد رہےکہ رواں ماہ لاہور کے راوی روڈ پر واقع کپڑے کی ایک فیکٹری میں علی الصبح شارٹ سرکٹ سے آگ بھڑک اٹھی تھی۔

واضح رہے کہ آتشزدگی کےاس واقعے میں تین افراد 20 سالہ جاوید، 40 سالہ جہاں زیب اور 20 سالہ شاہد جھلس کر جاں بحق ہوگئےتھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top