ویسٹ انڈیز سے شکست کے بعد ریٹائرمنٹ کے سوال پر دھونی نے محفل کو زعفران زاربنادیا -
The news is by your side.

Advertisement

ویسٹ انڈیز سے شکست کے بعد ریٹائرمنٹ کے سوال پر دھونی نے محفل کو زعفران زاربنادیا

ممبئی : بھارتی کپتان مہندرا سنگھ دھونی نے ورلڈ ٹی ٹوئنٹی کے سیمی فائنل میں ویسٹ انڈیز سے شکست کے بعد پریس کانفرنس کو زعفران زار بنادیا۔

بھارتی کپتان دھونی ممبئی کے وانکھڑے سٹیڈیم میں میچ کے بعد پریس کانفرنس میں صحافیوں سے صحافیوں سے کررہے تھے کہ آسٹریلیوی صحافی سیم فیرس نے دھونی سے ریٹائرمنٹ کے حوالے سے سوال کرڈالا۔

مہندرسنگھ دھونی نے پہلے تو صحافی سے اپنا سوال دہرانے کو کہا اور فیرس کے سوال دہرانے پر انہوں نے ہنستے ہوئے کہا ’یہاں آئیے، کچھ مستی کرتے ہیں۔‘

دھونی کی دعوت پر فیرس جب ہچکچائے تو دھونی نے انہیں اپنے برابر کی کرسی پیش کرتے ہوئے ان سے سٹیج پر آنے کی گزارش کی۔ دھونی کے اصرار پر فیرس ان کے بغل میں جا کر بیٹھ گئے۔

دھونی نے فیرس کے کندھے پر ہاتھ رکھتے ہوئے کہا ’مجھے لگا کہ شاید کوئی بھارتی صحافی ہے، کیونکہ میں آپ سے تو یہ نہیں پوچھ سکتا کہ آپ کا کوئی بھائی یا بیٹا ہے جو وکٹ کیپر ہے اور بھارت کے لیے کھیل سکتا ہے۔‘

اس کے بعد دھونی نے فیرس سے پوچھا: ’کیا مجھے بھاگتا دیکھ کر آپ کو لگتا ہے کہ میں ان فٹ ہوں؟” فیرس نے کہا ’نہیں، آپ تو بہت تیزی سے بھاگتے ہیں۔‘

پھر دھونی نے پوچھا ’کیا آپ کو لگتا ہے کہ میں 2019 ورلڈ کپ میں کھیل سکتا ہوں؟‘ اس پر فیرس نے جواب دیا ’ہاں آپ کو کھیلنا چاہیے۔‘

جواباً دھونی نے مسکراتے ہوئے کہا کہ ’آپ نےاپنے سوال کا جواب دے دیا ہے۔‘

Comments

comments

یہ بھی پڑھیں