The news is by your side.

Advertisement

دھونی کی ننھی پری کو 6 زبانوں پر عبور حاصل، ویڈیو وائرل

نئی دہلی: بھارتی کرکٹ ٹیم کے سابق کپتان مہندر سنگھ دھونی کی ننھی پری ایک نہیں ’چھے‘ زبانیں بولتی ہے، دھونی کی بیٹی سے مختلف زبانوں میں باتیں کرنے کی ویڈیو وائرل ہوگئی۔

تفصیلات کے مطابق بھارتی کرکٹ ٹیم کے سابق کپتان مہندر سنگھ دھونی کی بیٹی زیوا بھی انہی کی طرح ذہین اور باصلاحیت ہے، آپ کو کتنی زبانیں آتی ہیں، ایک یا دو لیکن دھونی کی بیٹی کو 6 زبانوں پر عبور حاصل ہے، باپ بیٹی کی باتوں کی ویڈیو سوشل میڈیا ویب سائٹ انسٹا گرام پر وائرل ہوگئی۔

مہندر سنگھ دھونی نے ننھی پری سے ’انشا اللہ‘ کہا جس کا بڑی معصومیت سے زیوا نے جواب دیتے ہوئے ’ماشااللہ‘ کہا۔

دھونی کی بیٹی نے گجراتی زبان میں والد کا خوب ساتھ دیا، جب دھونی نے کہا ’کیم چھو‘ اس پر ننھی پری نے جواب دیتے ہوئے کہا ‘مجا ما چھو‘۔

اس کے علاوہ بھی وہ دیگر زبانوں میں اپنی بیٹی سے گفتگو کرتے رہے اور وہ ترکی بہ ترکی جواب دیتی رہی۔

مزید پڑھیں: میچ ختم ہونے کے بعد دھونی کی گھریلو ذمہ داریاں، ویڈیو وائرل

واضح رہے کہ گزشتہ سال اپریل میں بھی دھونی کی بیٹی سے ساتھ ویڈیو سوشل میڈیا پر وائرل ہوئی تھی جس میں پاپا اپنی ننھی پری کے بال ڈرائی کرتے ہوئے نظر آرہے ہیں۔

دھونی نے ویڈیو شیئر کرتے ہوئے لکھا کہ ’کھیل ختم ہوگیا لہذا اب بطور باپ ڈیوٹی شروع ہوگئی‘۔

واضح رہے کہ مہندر سنگھ دھونی کا شمار بھارت کے اُن کامیاب ترین کپتانوں میں ہوتا ہے جنہوں نے اپنی ٹیم کی پوزیشن کو مستحکم کرتے ہوئے کئی فتوحات دلوائیں۔

بی سی سی آئی کی جانب سے 2007 میں کپتانی ملنے کے بعد جھاڑ کنڈ سے تعلق رکھنے والے کھلاڑی نے اپنی ٹیم کو دو بڑے اعزاز ات ورلڈ کپ اور چیمئنز ٹرافی کا فاتح بنوایا۔

Comments

comments

یہ بھی پڑھیں