بالی ووڈ کی معروف اداکارہ دیا مرزا نے انکشاف کیا ہے کہ شوٹنگ کے دوران فاطمہ ثنا شیخ کو مرگی کا دورہ پڑا تھا۔
بالی ووڈ کی معروف اداکارہ دیا مرزا رواں برس اپنی تیسری فلم ’دھک دھک‘ کی ریلیز کی تیاری کررہی ہیں جس میں ان کے ہمراہ فاطمہ ثنا شیخ بھی اداکاری کے جوہر دکھائیں گی، فلم کل بڑے پردے کی زینت بنے گی۔
اس سے قبل دیا مرزا کی دو فلمیں بھید اور میڈ ان ہیون سیزن ٹو ریلیز ہوچکی ہیں۔
دیا اور فاطمہ ثنا کی فلم دھک دھک کی کہانی چار خواتین کے گرد گھومتی ہے جو موٹرسائیکل پر ایک ایڈونچر سفر کے لیے نکلتی ہیں۔
واضح رہے کہ دھک دھک اداکارہ تاپسی پنوں کی بطور پروڈیوسر پہلی فلم ہے جبکہ اس میں رتنا پاٹھک، شاہ اور سنجنا سانگی بھی شامل ہیں۔
تاہم بھارتی میڈیا سے گفتگو کے دوران 41 سالہ اداکارہ دیا مرزا نے کہا کہ سیٹ پر ایک بہت ہی مصروف دن کے موقع پر فاطمہ ثنا شیخ کو مرگی کا دورہ پڑا۔
انہوں نے کہا کہ سفر کے دوران آکسیجن کی کمی تھی اور روٹس بہت مشکل اور تھکا دینے والے تھے جس کی وجہ سے یہ صورتحال پیدا ہوئی، تاہم فاطمہ کچھ دیر میں نارمل ہوگئی تھیں۔
دیا مرزا کا کہنا تھا کہ اس موقع پر فلم کے عملے نے کافی مدد کی اور ایسا ہمیشہ ہوتا ہے کہ سیٹ پر موجود لوگ ایک دوسرے کو سنبھالتے ہیں۔
