ذیابیطس ایک دائمی مرض ہے جس کی وجہ سے اکثر مریض خواہش کے باوجود روزہ رکھنے سے محروم رہتے لیکن ماہرین کے مطابق ایسے مریض بھی کچھ احتیاط کے ساتھ روزہ رکھ سکتے ہیں۔
ماہرین کے مطابق اگر آپ اپنی ٹائپ 2 ذیابیطس کو بخوبی کنٹرول میں رکھتے ہیں تو روزہ رکھنا ممکن ہے لیکن پھر بھی روزے کیلئے اچھی تیاری اور اس علم کی ضرورت ہوتی ہے کہ آپ اپنی غذا اور دوائیوں کا مناسب انتظام کیسے کر یں گے۔
آپ کو یہ بھی علم ہونا چاہیے کہ آپ خون میں شوگر کی زیادتی اور کمی کی روک تھام کیسے کریں گے اس حوالے سے اے آر وائی ڈیجیٹل کے پروگرام میں ماہر صحت نے چند مفید مشورے دیے۔
انہوں نے بتایا کہ ذیابیطس کے مریض گندم اور جو کا آٹا مکس کرکے اس کی چپاتی بنا کر پروٹین والے سالن سے کھائیں جس میں انڈا مرغی دہی وغیرہ شامل ہیں۔
انہوں نے بتایا کہ زیادہ پیاس نہ لگنے کیلیئے اپنی غذا میں تیل اور تلی ہوئی اشیاء کا استعمال بالکل نہیں کریں اس کے علاوہ میٹھی چیز کھانے کا دل چاہے تو س کیلیے اسٹیویا پلانٹ (میٹھی تلسی کے پتے)بہترین چیز ہے۔
اس کا طریقہ یہ ہے کہ اسٹیویا پلانٹ کے پتے پیس کر اس کا پاؤڈر بنالیں اور افطار کے بعد لیموں پانی یا چائے کافی لیں تو اس میں چینی کے بجائے یہ پاؤڈر ڈالیں تگو اس کے اچھے نتائج برآمد ہوں گے۔
ان کا مزید کہنا تھا کہ ذیابیطس کے مریضوں کو چاہیے کہ اپنا شوگر لیول دن میں تین مرتبہ لازمی چیک کریں پہلا سحری کے وقت دوسرا افطاری سے پہلے اور تیسری مرتبہ افطاری کے بعد چیک کریں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں