The news is by your side.

Advertisement

بنکاک سے کراچی آنے والا ہیروں کا اسمگلرایئرپورٹ پرگرفتار

کراچی : کسٹمز حکام نے جناح انٹرنیشنل ائیرپورٹ پر کارروائی کرتے ہوئے6ملین روپے سے زائد مالیت کے ہیرے اسمگل کرنے کی کوشش ناکام بنادی، ملزم کو پکڑ کر پولیس کے حوالے کردیا گیا۔

تفصیلات کے مطابق کراچی کے جناح ایئر پورٹ پر کسٹمز حکام نے ہیروں کی اسمگلنگ کی کوشش ناکام بناتے ہوئے ملزم کو رنگے ہاتھوں پکڑ لیا، جاوید محمد نامی مسافر تھائی ائر کی پرواز ٹی جی341 سے کراچی پہنچا تھا۔

اس حوالے سے ڈی سی ائرپورٹ واصف ملک نے صحافیوں کو بتایا کہ مسافر بینکاک سے کراچی آیا تھا۔ کسٹمزحکام نے شک کی بنا پر مسافر محمد جاوید کے بیگ کی تلاشی لی تو خفیہ خانوں سے202کیرٹ کے60 لاکھ روپے مالیت سے زائد کے ہیرے برآمد ہوئے۔

اطلاع پر فوری کارروائی کرتے ہوئے جاوید محمد نامی مسافر کو حراست میں لے لیا گیا، ہیروں کو بیگ کے خفیہ خانوں میں بڑی مہارت کے ساتھ چھپایا گیا تھا۔

انہوں نے مزید بتایا کہ مسافر کو خفیہ اطلاع پر گرفتار کیا گیا، ملزم کے خلاف مقدمہ درج کر کے تحقیقات کا باقاعدہ آغاز کردیا گیا ہے۔

واضح رہے کہ یہ کارروائی کراچی ائرپورٹ پر پہلی بار کامیاب ہوئی ہے کہ اتنی بھاری مالیت کے ہیروں کو برآمد کر کے ملزم کو حراست میں لے لیا گیا ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

Comments

comments

یہ بھی پڑھیں