site
stats
کھیل

کوپا کپ جیت کر لائیں ورنہ وطن واپس آنے کی ضرورت نہیں، میراڈونا کا میسی کو پیغام

بیونس آئرس: لیجنڈ فٹبالر اورارجنٹینا کے سابق کوچ ڈیاگو میراڈونا نے میسی الیون کو خبردار کر دیا ہے کہ کوپا امریکہ کپ جیت کر لائیں ورنہ وطن واپس نہ آئیں۔

کوپا امریکہ کے سیمی فائنل میں میسی کی ارجنٹینا نے امریکہ کے فائنل میں پہنچنے کے ارمان ٹھنڈے کیے تھے، میسی نے سیمی فائنل میں دوگول کیے اور ارجنٹینا کی تاریخ کے سب سے زیادہ گول کرنے والے کھلاڑی بن گئے۔

بیونس آئرس میں میڈیا سے گفتگو کرتے ہوئے سابق فٹبالر ڈیاگو میراڈونا نے کہا کہ اتوار کو ہونے والا فائنل ہم ہی جیتیں گے اور اگر ہم نہیں جیتے تو ٹیم کو وطن واپس آنے کی زحمت نہ کریں۔

عظیم فٹبالر ڈیاگو میراڈونا نے اسٹارفٹبالر لائنل میسی کو پیغام دیا کہ کوپا امریکہ کپ کے بغیر وطن واپس آنے کی ضرورت نہیں۔

بے شمار ایوارڈ جیتنے والے میسی آج تک ارجنٹینا کو کوئی ٹرافی جیتوانے میں کامیاب نہیں ہوئے ہیں، فائنل میں ارجنٹینا کا مقابلہ دفاعی چیمپیئن چلی سے ہوگا، میسی الیون کے پاس پچھلی شکست کا بدلا لینے کا موقع ہے۔

یاد رہے کہ گذشتہ سال چلی نے پینالٹی ککس پر ارجنٹینا کو شکست دی تھی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top