اسلام آباد : پاکستان اور آئی ایم ایف کے درمیان بجٹ خسارہ اور ٹیکس ڈیٹا پر اختلاف بڑھ گئے اور پاکستان آئی ایم ایف کو مطمئن نہ کرسکا۔
تفصیلات کے مطابق پاکستان اورآئی ایم ایف کے درمیان ٹیکنیکل مذاکرات مکمل نہ ہوسکے۔
ذرائع نے بتایا ہے کہ پاکستان اورآئی ایم ایف کے درمیان ٹیکنیکل مذاکرات کا آج ایک اور دور ہوگا۔
ذرائع کا کہنا تھا کہ معاشی ڈیٹا پر حکومت پاکستان اورآئی ایم ایف کے درمیان اتفاق نہ ہو سکا جبکہ ٹیکنیکل مذاکرات میں تاخیر کی وجہ سے پالیسی مذاکرات میں بھی تاخیر کا شکار ہے۔
پالیسی مذاکرات 6 کے بجائے اب 7 فروری کو شروع ہونے کا امکان ہے۔
ذرائع نے کہا کہ بجٹ خسارہ اور ٹیکس ڈیٹا پر پاکستان اور آئی ایم ایف کےدرمیان اختلاف ہیں ،پاکستان وفد اپنےنکتہ نظر پر آئی ایم ایف کومطمئن نہ کرسکا۔
آئی ایم ایف کا مؤقف میں کہنا ہے کہ پاکستان کی ٹیکس آمدن 840ارب روپے کم رہنےکاامکان ہے جبکہ پاکستانی وفد کا کہنا ہے کہ اس سال ٹیکس آمدن کا ہدف 450 ارب روپے کم ہونےکاخدشہ ہے۔
ذرائع کے مطابق آج پاکستان کو معاشی اعداد و شمار پر آئی ایم ایف کو مطمئن کرنا ہوگا۔
