تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

رمضان المبارک ، افطاری کے دسترخوان کی سوغات چٹنیاں

سحر و افطار کا اہتمام کرنا رمضان المبارک کی اہم روایت ہے اور رمضان مین صحت بخش غذا کا انتخاب آپ کو صحت مند اور توانا رکھتا ہے، پکوڑے٬ سموسے٬ فروٹ چاٹ اور دہی بڑوں کے بغیر افطاری ادھوری سی لگتی ہے، افطار میں موجود سموسے ہو یا پکوڑے بغیر مزیدار چٹنی مزہ نہیں دیتے ، چٹنیاں ان اشیاﺀ کے ذائقے میں مزید اضافہ کردیتی ہے۔

سموسے٬ پکوڑے یا رول کے ساتھ پیش کرنے کے لیے مزیدار چٹنیاں اب آپ گھر پر بھی تیار کرسکتی ہیں۔


آلو بخارے کی چٹنی


اجزاء

آلو بخارا – ایک پاؤ

چی – ایک پاؤ

بادام کی گری – دس عدد

کشمش – آدھا چھٹانک

لہسن – چار جوئے

ثابت مرچ – چار عدد

کلونجی – ایک چائے کا چمچ

سفید سرکہ – ½ پیالی

نمک – آدھا چائے کا چمچ

ترکیب

الو بخاروں کو گرم پانی میں بھگودیں، جب وہ نرم پڑجائیں تو ہاتھ سے اچھی طرح میش کرلیں، اب اس میں 1 پیالی املی کا گاڑھا رس ملادیں، پھر ایک مٹی کی ہانڈی میں املی، آلو بخارے، چینی یا گڑھ، ابلے بادام، باریک کٹی لہسن، عدد ثابت لال مرچ، کلونجی اورسفید سرکہ ملا کر ہلکی آنچ پر پکالیں۔، گاڑھی ہونے کے بعد چولھے سے اتارلیں اور ٹھنڈا کرلیں۔


املی اور پودینے کی چٹنی


اجزا

املی کا رس – ایک کپ

پودنہ – آدھی گٹھی

لال مرچ پاؤڈر – ایک کھانے کا چمچ

زیرہ – ایک کھانے کا چمچ

نمک – حسب ضرورت

ترکیب

سب سے پہلے املی کو ایک کپ پانی میں 20منٹ کے لیے بھگو دیں پھر املی کا رس نکالیں ، اب بلینڈر میں املی کا رس ، زیرہ، لال مرچ پاؤڈر ، پودینہ اور نمک ڈال کر بلینڈ کر لیں، مزیدار املی اور پودنہ کی چٹنی تیار ہے، پکوڑوں کے ساتھ سرو کریں۔


ہری چٹنی


اجزاء

ہرا دھنیا -ایک گٹھی

لہسن – 2عدد

ہری مرچ – 2 سے 3عدد

پیاز – آدھی

سفید زیرہ – ایک کھانے کا چمچ

نمک – حسب ضرورت

سفید تل – ڈیڑھ کھانے کا چمچ

تیل – 2 کھانے کے چمچ

املی کا رس – 2 کھانے کے چمچ

ترکیب

ایک بلینڈر میں ہرا دھنیا، لہسن، ہری مرچ ، پیاز ،سفید زیرہ ، نمک، سفید تل ،تیل اور املی کا رس ڈال کر بلینڈ کر لیں ، ہری چٹنی تیار ہے۔


املی کی چٹنی


اجزاء

املی – ایک پاؤ

پانی – دو پیالی

پسی لال مرچ – ایک کھانے کا چمچ

سونٹھ – تین کھانے کے چمچ (پسی ہوئی)

سفید زیرہ – ایک کھانے کا چمچ (بھنا اور پسا ہوا)

کالا نمک – ایک چٹکی

نمک – حسبِ ذائقہ

ترکیب

پہلے اِملی کو گرم پانی میں ڈال کر گاڑھا رس نکال لیں، اب اسے ایک نان اسٹک پین میں ڈال کر پسی لال مرچ، پسی ہوئی سونٹھ اور بھنا اور پسا ہوا سفید زیرہ کے ساتھ پانچ منٹ پکا لیں۔

پھر اسے اُتار کر ٹھنڈا ہونے دیں، آخر میں کالا نمک اور نمک ڈالیں، مزے دار اِملی کی چٹنی تیار ہے۔


کیری کی چٹنی 


اجزاء

آم – کچے ایک کلو

چینی – ایک کلو

نمک – ایک چائے کا چمچ

سرخ مرچ – ایک کھانے کا چمچ

پیاز – ایک عدد

ادرک – کٹی ہوئی ایک کھانے کا چمچ

لہسن – پسا ہوا۔ ایک کھانے کا چمچ

سرکہ – ایک پیالی

بادام – ایک چھوٹی پیالی۔ بھگو کر چھیل لیں

کشمش – تھوڑی سی

کالی مرچ – ایک چائے کا چمچ

کوکنگ آئل – ایک پیالی

 

ترکیب

آم چھیل کر چھوٹے ٹکڑوں میں کاٹ لیں۔ اس میں پانی ڈال کر دو چار ابال دے کر اتار لیں اور چھلنی میں ڈال کر خشک کر لیں۔ دیگچی میں آئل گرم کر کے پیاز ہلکی پراون کریں اور آئل سے نکال لیں ۔ اسی آئل میں لہسن ڈال کر چمچہ چلائیں اور آموں کے ٹکڑے بھی اس میں ڈال کر فرائی کریں اور پھر انہیں بھی نکال لیں ۔ اس میں اب سرخ مرچ اور ادرک ڈال کر فرائی کریں اور پھر پیاز ، آم ، کشمش ، بادام ، کالی مرچ اور چینی ڈال دیں۔ تھوڑا سا چمچ چلائیں تاکہ چینی پانی چھوڑ دے۔ ایک کپ پانی ڈالیں ، جب شیرا گاڑھا جو جائے اور آم گل جائیں تو اتار لیں اور سرکہ ملا لیں ۔ ٹھنڈا ہونے پر آپ اس کو مرتبان میں بھی محفوظ کر سکتے ہیں۔


ٹماٹر کی چٹنی


اجزاء

ٹماٹر – 3عدد

لال مرچ – آدھا چمچ

سرکہ – 2چمچ

لہسن – ایک چمچ پیسا ہوا

کارن فلور – ایک چمچ

نمک – حسب ضرورت

 

ترکیب

ٹماٹر کو ایک برتن میں ابلنے کے لیے رکھ دیں ،جب ٹماٹر نرم ہو جائیں تو انکا چھلکا اتار لیں، اب بلینڈر میں ٹماٹر،لال مرچ، سرکہ لہسن ،کارن فلاور اور نمک ڈال کر بلینڈ کر لیں ،اب اس کو ایک جگ میں رکھ کر محفوظ کر لیں مزیدار ٹماٹر چٹنی تیار ہے

Comments

- Advertisement -