کراچی : ڈی آئی جی سی ٹی ڈی عمر شاہد حامد کی سربراہی میں ہونے والے اجلاس میں 28 مجرموں کےسرکی قیمت طے کرنے کی سفارش کردی گئی ، جس میں پولیس افسران کوشہید کرنے والے لڈو تیغانی کا نام بھی مجرموں میں شامل ہیں۔
تفصیلات کے مطابق ڈی آئی جی سی ٹی ڈی عمر شاہد حامد کی سربراہی میں صوبائی کمیٹی کااجلاس ہوا ، 2 سال کے بعد مجرموں کے سروں کی قیمت مقررکرنے اور انعامی رقم کیلئے اجلاس منعقد کیا گیا۔
محکمہ داخلہ سندھ کو آئی جی سندھ کے ذریعے سفارشات ارسال کی جائیں گی، ،ڈی آئی جی عمر شاہد حامد نے کہا پولیس اور رینجرز مقابلوں میں 22انتہائی خطرناک دہشت گرد اور مجرم مارے گئے، ہلاک دہشتگردوں میں غفارذکری ، خیربخش عرف خیرو،دادو سبزوئی شامل ہیں۔
عمر شاہد حامد کا کہنا تھا کہ مارے گئے دہشت گردوں کے سروں پر انعامات رکھےگئےتھے اور 3کروڑ70لاکھ روپے انعام کی رقم جاری کرنے کی سفارش کی گئی۔
صوبائی کمیٹی نے مزید 28 مجرموں کےسرکی قیمت طے کرنے کی سفارش کردی ، جس میں پولیس افسران کوشہید کرنے والے لڈو تیغانی کا نام بھی مجرموں میں شامل ہیں۔
عمر شاہد حامد نے کہا مطلوبہ دہشت گردوں کے سرکی قیمت مجموعی طور پر3کروڑ65لاکھ رکھی جائے۔
