راولپنڈی : ڈی جی آئی ایس پی آر میجر جنرل آصف غفور نے کہا ہے کہ ملکی دفاع سے واقف ہیں اور اگر بھارت نے کسی بھی قسم کی مہم جوئی کی تو اس کا بھرپور جواب دیں گے۔
ڈی جی آئی ایس پی آر میجر جنرل آصف غفور نے سماجی رابطے کی ویب سائٹ ٹوئٹر پر جاری کردہ پریس ریلیز میں لائن آف کنٹرول پر بھارت کی بلا اشتعال فائرنگ پر دوٹوک موقف اختیار کرتے ہوئے کہا کہ بھارت ایل او سی پرمسلسل اشتعال انگیزیاں کر رہا ہے اور اگر بھارت نے کوئی مہم جوئی کی تو منہ توڑ جواب دیں گے۔
PR260/17
Any Indian Army misadventure across LOC ‘ll be a miscalc,shall be responded with full force & could lead to unintended consequences pic.twitter.com/tqFIAJfDCA
— Maj Gen Asif Ghafoor (@OfficialDGISPR) May 13, 2017
ڈی جی آئی ایس پی آر نے واضح انداز میں کہا کہ بھارت سرحد کے دونوں اطراف بھارت ایل اوسی پر عام شہریوں کو نشانہ بنا رہا ہے اور پاک فوج ملک کے دفاع اور قومی سلامتی سےواقف ہے اور بھرپورجواب دیں گے۔
یہ پڑھیں: لائن آف کنٹرول پر بھارت کی بلا اشتعال فائرنگ، 2 خواتین سمیت 3 افراد زخمی
انہوں نے کہا کہ بھارت نے اگر سرجیکل اسٹرائیک جیسا ڈرامہ دوبارہ کرنےکی کوشش کی تو بھارت کو منہ توڑجواب دیں گے اور بھارت کو شکست فاش کا سامنا کرنا پڑے گا۔
واضح رہے کہ بھارتی فورسز نے آج صبح سات بجے لائن آف کنٹرول پر کوٹ کوٹیرا، کھوئی رٹہ، کریلا سمیت مختلف سیکٹرز مقامی آبادی پر بلا اشتعال فائرنگ کی جس کے نتیجے میں خواتین سمیت تین افراد زخمی ہو گئے تھے۔
