The news is by your side.

Advertisement

پتنگ بازی کیخلاف کریک ڈاؤن مزید سخت کرنے کا حکم

لاہور : ڈی آئی جی آپریشنز ساجدکیانی نے شہر بھر میں پتنگ بازی کیخلاف کریک ڈاؤن مزید سخت کرنے کا حکم دے دیا اور کہا شہریوں کی زندگیوں سے کھیلنے والے عناصرسے رعایت نہ برتی جائے۔

تفصیلات کے مطابق ڈی آئی جی آپریشنز ساجدکیانی نے شہر بھر میں پتنگ بازی کیخلاف کریک ڈاؤن مزید سخت کرنے کا حکم دیتے ہوئے کہا ہے کہ رات میں پتنگ بازی کے سدباب کیلئے ٹیمیں متحرک رہیں، کھمبوں،فلائی اوورزسے لٹکتی ڈورکو ہٹانے کیلئے اقدامات کئے جائیں۔

ساجد کیانی کا کہنا تھا کہ پتنگ بازی کیخلاف مساجدسےاعلانات کاسلسلہ جاری رکھاجائے اور شہریوں کی زندگیوں سےکھیلنےوالےعناصرسےرعایت نہ برتی جائے۔

گذشتہ روزلاہور کے مختلف علاقوں میں پتنگ بازوں کے خلاف کریک ڈاؤن کے دوران 77افراد کو گرفتار کرکے مقدمات درج کرلیے گئے تھے، پولیس ذرائع کا کہنا تھا کہ ماڈل ٹاؤن ڈویژن سے52 پتنگ باز ، لاہور کے تھانہ نشترکالونی کی حدود سے14، کوٹ لکھپت3اور کاہنہ سے8پتنگ بازوں کو گرفتار کیا گیا۔

ملزمان کے قبضےسے درجنوں کی تعداد میں پتنگیں اور مانجھے چرخیاں برآمد ہوئی ، جنہیں پولیس نے اپنے قبضے میں لے لیا تھا۔

اس حوالے سے پولیس حکام کا کہنا تھا کہ کسی شہری کو پتنگ بازی جیسے خطرناک کھیل کی اجازت نہیں دی جائے گی، تمام ایس ایچ اوز کو اپنے علاقوں میں ٹیمیں تشکیل دینے کا حکم بھی دیا گیا ہے۔

Comments

یہ بھی پڑھیں