The news is by your side.

Advertisement

صحافی اطہر متین کا قتل ، ڈی آئی جی ویسٹ کا بڑا انکشاف سامنے آگیا

کراچی : ڈی آئی جی ویسٹ ناصرآفتاب نے سینئر صحافی اطہرمتین کے قتل کی واقعے کے حوالے سے انکشاف کیا ہے کہ ملزمان کو ٹکرا طہر متین نہیں بلکہ کسی اور گاڑی نے ٹکر ماری۔

تفصیلات کے مطابق کراچی میں سینئر صحافی اطہرمتین کے قتل کے واقعے کی تحقیقات جاری ہے ، ڈی آئی جی ویسٹ ناصرآفتاب جائے وقوعہ پر پہنچے۔

ڈی آئی جی ویسٹ کو ایس ایس پی کی جانب سےبریفنگ دی گئی ، ڈی آئی جی نے انکشاف کیا کہ ملزمان کوٹکراطہر متین نہیں بلکہ کسی اورگاڑی نے ٹکر ماری۔

یاد رہے آج صبح کراچی میں صحافی اطہر متین کو قتل کردیا گیا تھا، سما ٹی وی کےسینئرپروڈیوسراطہرمتین بچوں کوچھوڑکرگھر واپس جارہے تھے کہ فائیواسٹار پردو ڈاکو شہری کو لوٹ دیکھا۔

ایس ایس پی سینٹرل نے بتایا اطہرمتین نے واردات ناکام بنانے کیلیے اپنی گاڑی موٹرسائیکل سوارڈاکوؤں سے ٹکرادی، ملزمان گرے تو انھوں نے براہ راست اطہرمتین کی گاڑی پر گولیاں چلادیں۔

عینی شاہد کےمطابق فائرنگ کے بعد ڈاکو اپنی بائیک چھوڑکر سامنے سے آنے والےشہری کی موٹرسائیکل چھین کر فرار ہوگئے۔

اطہر متین کو فوری طور پر سیفی اسپتال لے جایا گیا، جہاں ایمرجنسی میں ڈاکٹروں نے ان کی موت کی تصدیق کی۔

Comments

یہ بھی پڑھیں