اے آر وائی ڈیجیٹل کا مقبول ترین ڈرامہ ’دل موم کا دیا‘ نے شائقین کے دل جیت لیے
The news is by your side.

Advertisement

اے آر وائی ڈیجیٹل کا مقبول ترین ڈرامہ ’دل موم کا دیا‘ نے شائقین کے دل جیت لیے

کراچی: اے آر وائی ڈیجیٹل کے مقبول ترین ڈراموں میں سے ایک ڈرامے دل موم کا دیا نے ناظرین کے دل جیت لیے۔

تفصیلات کے مطابق اے آر وائی ڈیجیٹل کا ڈرامہ ’دل موم کا دیا‘ اختتامی مراحل کی جانب گامزن ہے، دل چھو لینے والی کہانی، اور پراثر کردار شائقین کے دلوں میں نقش ہوگئے۔

شائقین کی جانب سے مغرور لڑکی کا کردار نبھانے والی اداکارہ نیلم منیر کے کردار کو بے حد سراہا جارہا ہے۔

ڈرامے کی کہانی ایک گھرانے کی ہے جس میں سنجیدہ مزاج ادھیڑ عمر کے بھائی (افضال) یاسر نواز کی شادی کے لیے بہنیں رشتہ تلاش کرتی ہیں لیکن اس کی شادی ایک کم عمر مغرور لڑکی (الفت) نیلم منیر سے ہوجاتی ہے۔

الفت کو کسی خوبرو شہزادے کی تلاش ہوتی ہے تاہم وہ اپنے والدین کی پسند سے ایک ادھیڑ عمر شخص افضال یاسر نواز سے شادی کرلیتی ہے، اختتامی اقساط میں افضال الفت کو چھوڑ دیتا ہے اور ایک اور لڑکی سے اس کی شادی ہوجاتی ہے لیکن وہ اس پر بھروسہ کرنے میں ہچکچا رہا ہوتا ہے تاہم وہ افضال اور اس کے بچوں کا خیال رکھ کر اس کا دل جیت لیتی ہے۔

الفت گھر آکر بیٹھ جاتی ہے اور اس کی والدہ اپنی چھوٹی بیٹی کے رشتے کے لیے بات کررہی ہوتی ہیں لیکن وہ رشتے سے انکار کردیتی ہے تاہم الفت اپنی والدہ سے کہتی ہے میری شادی کرادیں جس پر والدہ غصے میں آکر اسے گھر سے باہر نکال دیتی ہیں اور اپنی دوست کے گھر جاکر گزر بسر کرنے لگتی ہے۔

چند ہی دنوں بعد الفت ایک پان والے سے شادی کرلیتی ہے جو موذی مرض میں مبتلا ہوجاتا ہے لیکن الفت کو اس کی بھی کوئی پرواہ نہیں ہوتی۔

ڈرامہ کے مرکزی کردار یاسر نواز اور نیلم منیر ہیں جبکہ دیگر کاسٹ میں حرا سلمان، قوی خان، عمران اشرف، ندا ممتاز، ارم اختر، حسام خان، زلیخاں مجید، علیزے شاہ، سہیل مسعود، اور دیگر شامل ہیں۔

شاہد شفقت کی ہدایت کاری میں بننے والے اس ڈرامہ سیریل ’دل موم کا دیا‘ کی آخری قسط منگل کی رات آٹھ بجے نشر کی جائے گی جس کا شائقین کو بے صبری سے انتظار ہے۔

Comments

comments

یہ بھی پڑھیں