نئی دہلی: لیجنڈری بھارتی اداکار دلیپ کمار کو طبیعت ناساز ہونے پر ایک بار پھر اسپتال منتقل کردیا گیا۔
بھارتی میڈیا کے مطابق لیجنڈری اداکار دلیپ کمار کو سانس میں تکلیف کی شکایت پر منگل کی صبح ممبئی کے ہندوجا اسپتال میں داخل کروایا گیا۔
دلیپ کمار اسپتال کے انتہائی نگہداشت یونٹ میں زیر علاج ہیں جہاں ان کی حالت خطرے سے باہر بتائی گئی ہے۔
واضح رہے کہ رواں ماہ میں یہ دوسرا موقع ہے جب 96 سالہ معروف اداکار کو اسپتال میں داخل کروایا گیا ہے۔
گزشتہ ہفتے دلیپ کمار کو طبیعت ناساز ہونے کے اسپتال منتقل کیا گیا تھا تاہم صحت بہتر ہونے پر انہیں گھر جانے کی اجازت دے دی گئی تھی۔
With your love and affection, and your prayers, Dilip Saab is going home from the hospital. God's infinite mercy and kindness through Drs. Gokhale, Parkar, Dr. Arun Shah and the entire team at Hinduja Khar.
–Faisal Farooqui#DilipKumar #healthupdate— Dilip Kumar (@TheDilipKumar) June 11, 2021
یاد رہے کہ دلیپ کمار 1997 میں پاکستان آئے تھے جہاں انہیں پاکستان کے اعلیٰ اعزاز نشان امتیاز سے نوازا گیا تھا، دلیپ کمار پاکستانی حکومت کی جانب سے یہ اعزاز حاصل کرنے والے دوسرے ہندوستانی ہیں۔
دلیپ کمار کے نام سے پہچانے جانے والے محمد یوسف خان 1922 میں پاکستان کے شہر پشاور میں پیدا ہوئے، 1940 میں بھارت کے شہر پونے منتقل ہوئے تھے۔
انہوں نے 1966 میں بالی ووڈ اداکارہ سائرہ بانو سے شادی کی، ہر کردار کو دل سے نبھا کر امر کرنے والے دلیپ کمار کو بھارتی حکومت نے 1995 میں ہندوستان کے سب سے بڑے فلمی ایوارڈ “دادا صاحب پھالکے ایوارڈ” سے نوازا تھا۔
