ممبئی: بالی ووڈ کے لیجنڈری اداکار اور شہنشاہ جذبات دلیپ کمار کو ڈاکٹرز نے اسپتال سے گھر جانے کی اجازت دے دی۔
دلیپ کمار کے آفیشل ٹویٹر اکاؤنٹ سے اُن کی صحت کے حوالے سے اہم بیان جاری کیا گیا، جس میں بتایا گیا ہے کہ ڈاکٹرز کی اجازت کے بعد شہنشاہ جذبات کو اسپتال سے گھر منتقل کیا جارہا ہے۔
بیان میں کہا گیا ہے کہ ’آپ کی محبت اور پیار ، اور آپ کی دعاؤں کے ساتھ دلیپ صاحب صحت یاب ہوکر اسپتال سے گھر جارہے ہیں‘۔
دلیپ کمار کے میڈیا مینیجر فیصل فاروقی نے کہا کہ ’خدا نے ڈاکٹرز کے وسیلے سے دلیپ صاحب پر اپنا لاتعداد رحم اور کرم کیا، ہم ڈاکٹر گوگلے، پارکر، ڈاکٹر ارون شاہ اور ہنوجا خار اسپتال کی ٹیم کے مشکور ہیں‘۔
With your love and affection, and your prayers, Dilip Saab is going home from the hospital. God’s infinite mercy and kindness through Drs. Gokhale, Parkar, Dr. Arun Shah and the entire team at Hinduja Khar.
–Faisal Farooqui#DilipKumar #healthupdate— Dilip Kumar (@TheDilipKumar) June 11, 2021
تین روز قبل بالی ووڈ کے لیجنڈری اداکار اور شہنشاہِ جذبات دلیپ کمار کی اہلیہ سائرہ بانو نے بتایا تھا کہ اُن کی طبعیت اب پہلے سے بہتر ہے، ڈاکٹرز جلد انہیں اسپتال سے گھر جانے کی اجازت دے دیں گے۔
مزید پڑھیں: دلیپ کمار کی صحت کے حوالے سے اہم خبر
دلیپ کمار کی اہلیہ نے سماجی رابطے کی ویب سائٹ ٹویٹر پر شہنشاہِ جذبات کی طبیعت کے حوالے سے ایک تفصیلی ٹویٹ کیا تھا، جس میں انہوں نے مداحوں سے اپیل کی کہ وہ کسی بھی افواہ پر یقین نہ کریں۔
دلیپ صاحب پر الله کی رحمت اور شفقت ہے…وہ ہسپتال سے گھر جا رہے ہیں
آپ لوگوں کیدواؤں سے
فیصل فاروقی #DilipKumar #healthupdate— Dilip Kumar (@TheDilipKumar) June 11, 2021
سائرہ بانو نے مداحوں کو یقین دلانے کے لیے دلیپ کمار کی حالیہ تصویر بھی شیئر کی، جس میں وہ اسپتال کے بستر پر بیٹھے نظر آرہے تھے جبکہ اُن کے ساتھ اہلیہ بھی موجود تھیں۔
یاد رہے کہ دلیپ کمار کو ہفتے اور اتوار کی شب سانس لینے میں دشواری کے بعد اسپتال منتقل کیا گیا تھا۔ بھارتی میڈیا نے خاندانی ذرائع کے حوالے سے ملنے والی اطلاع کو بنیاد بنا کر دعویٰ کیا تھا کہ شہنشاہ جذبات کے پھیپھڑوں میں پانی بھر گیا ہے، جس کی وجہ سے انہیں اسپتال میں داخل کیا گیا۔
یہ بھی پڑھیں: دلیپ کمار سے متعلق خبریں زیر گردش، اہل خانہ نے خاموشی توڑدی
دوسری جانب افواہ تھی کہ دلیپ کمار کرونا سے متاثر ہوئے جبکہ اتوار کی صبح سے واٹس ایپ پر اُن کے انتقال کی خبریں سامنے آنے لگیں تھیں، جس پر اہل خانہ نے خاموشی توڑتے ہوئے افسوس کا اظہار کیا اور مداحوں سے اپیل کی تھی کہ وہ کسی بھی افواہ پر کان نہ دھریں۔
