ٹیکساس: بھارتی سپر اسٹار گلوکار و اداکار دلجیت دوسانجھ نے پاکستانی گلوکار عارف لوہار کے گانے ’جگنی‘ پر شاندار پرفارمنس دی۔
بھارتی گلوکار نے فوٹو اینڈ شیئرنگ ایپ انسٹاگرام پر ایک ویڈیو شیئر کی ہے جس میں دلجیت دوسانجھ کو عارف لوہار کے گانے ’جگنی‘ گاتے ہوئے دیکھا جاسکتا ہے۔
View this post on Instagram
- Advertisement -
پنجابی گلوکار دلجیت دوسانجھ نے اپنے کنسرٹ کے دوران پاکستانی فوک گلوکار عارف لوہار کا مشہور صوفیانہ گیت ’جگنی‘ گا کر پاکستانی مداحوں کے دل جیت لیے۔
وائرل ویڈیو میں دلجیت دوسانجھ نے ’جگنی‘ گانا گاتے ہوئے عارف لوہار کی طرح سیاہ رنگ کا دھوتی کرتا بھی پہنا ہوا ہے اور اپنے پنجابی انداز میں رقص بھی کیا، دلجیت دوسانجھ اس سے قبل پاکستانی گلوکارہ شازیہ منظور کا گیت ‘بتیاں بجھائے رکھدی‘ بھی گا چکے ہیں۔
