بھارت کے پنجابی گلوکار دلجیت دوسانجھ کی استاد نصرت فتح علی خان کو خراج تحسین پیش کرنے کی ویڈیو سوشل میڈیا پر وائرل ہوگئی۔
بھارتی گلوکار دلجیت دوسانجھ نے لندن کے ویمبلی اسٹیڈیم میں استاد نصرت فتح علی خان کی قوالی ’سانسوں کی مالا‘ گالا گنگنائی جسے مداحوں کی جانب سے خوب سراہا گیا ہے۔
ویڈیو میں دیکھا جاسکتا ہے کہ شائقین نے اپنے موبائل فونز کی لائٹس روشن کر رکھی تھیں جس سے پورا اسٹیڈیم روشنیوں سے جگمگا اٹھا۔
نصرت فتح علی خان نے پہلی مرتبہ یہ قوالی 1979 میں بھارت کے اپنے پہلے دورے کے دوران براہ راست پیش کی تھی۔
اس وقت اداکار اور فلم ساز راج کپور نے اپنے بیٹے رشی کپور کی شادی میں انہیں گانے کے لیے مدعو کیا تھا۔
یہ پرفارمنس بھارتی گلوکار نے 12 ستمبر کو ویمبلی اسٹیڈیم میں کنسرٹ کے دوران پیش کی تھی جو ان کے آورا ورلڈ ٹور 2026 کا حصہ تھا۔
