site
stats
کھیل

سری لنکا کے نامور کرکٹر دلشان نے بین الاقوامی کرکٹ کو خیرباد کہہ دیا

کولمبو: سری لنکا کے معروف کرکٹر تلکارتنے دلشان نے بین الاقوامی کرکٹ کو خیرباد کہنے کا اعلان کر دیا.

تفصیلات کےمطابق نامور کرکٹر 39 سالہ دلشان آسٹریلیا کے خلاف آخری ایک روزہ میچ اتوار کو کھیلیں گے جبکہ اس کے بعد آئندہ ماہ دو ٹی 20 میچ ان کے کیریئر کے آخری میچ ہوں گے.

سری لنکن کرکٹر دلشان اب تک 87 ٹیسٹ، 329 ایک روزہ اور 78 ٹی 20 میچوں میں سری لنکا کی نمائندگی کر چکے ہیں.

انہوں نے سنہ 1999 میں اپنے بین الاقوامی کیریئر کا آغاز کیا تھا اور سنہ 2014 میں ورلڈ ٹی 20 جیتنے والی سری لنکن ٹیم کا حصہ بھی تھے.

دلشان کا شمار سری لنکا کے جارحانہ بلے بازوں میں ہوتا ہے اور وہ آف سپن بولنگ بھی کرتے ہیں،بین الاقوامی میچوں میں ان کی وکٹوں کی تعداد 152 ہے.

انہوں نے2011 اور 2012 کے درمیان سری لنکن کرکٹ ٹیم کی قیادت بھی سنبھالی تھی.وہ اب تک 17624 بین الاقوامی رنز بنا چکے ہیں.

سری لنکا کی جانب سے سب سے زیادہ ٹی 20 میچ کھیلنے کا اعزاز بھی انہیں حاصل ہے اس کے علاوہ سب سے زیادہ ایک روزہ میچ کھیلنے والے کھلاڑیوں کی فہرست میں ان کا پانچواں نمبر ہے.

یاد رہے کہ سنہ 2013 میں دلشان نے ٹیسٹ کرکٹ سے ریٹائرمنٹ لے لی تھی.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top