برسلز : اگر آپ مختلف ماحول میں کھانے کے شوقین ہیں تو بیلجئم کے دارالحکومت برسلز میں ہوا میں معلق ہوٹل جہاں آپ بلندی پر کھانے انجوائے کرسکیں گے۔
ڈنر ان دی اسکائی نامی ہوٹل میں کھانا کھانے والوں کا دل مضبوط ہونا ضروری ہے، اس ہوٹل میں مختلف مزیدارکھانوں کی میزیں سجائی گئیں ، کھانے کی میزیں کو کرین کے ذریعے ہوا میں معلق کیا گیا اور 200 مہمانوں کو بیلٹ کے ذریعے کرسیوں سے باندھا گیا۔
ہر مہمان کو کھانے کے لیے275 یورو ادا کرنا تھے ۔
اٹھارہ جون تک جاری رہنے والے اس ایونٹ میں پینتالیس سو مہمان فضا میں کھانے کا مزہ لیں گے ۔
ہوٹل کے باورچیوں کا کہنا ہے کہ اتنی بلندی پر ٹھنڈ زیادہ ہونے کی وجہ سے کھانا اور برتن گرم رکھنا مشکل ہوتا ہے لیکن انھوں نے اس کا حل یہ نکالا ہے کہ کھانے سے قبل مہمانوں کو ٹھنڈے مشروبات اور کھانے کے بعد ٹھنڈی میٹھی ڈش پیش کی جائے۔
خیال رہے کہ ڈنر ان دی سکائی دس سال پہلے ڈیوڈ گیزلز نے متعارف کروایا تھا جسکا دائرہ اب دنیا کے چھپن ملکوں میں پھیل چکا ہے۔