The news is by your side.

براہ راست سعودی عرب میں داخلہ؟ سفری پابندی سے متعلق بڑی خبر آگئی

ریاض: سعودی محکمہ پاسپورٹ وامیگریشن(جوازات) نے غیرملکیوں کے لیے براہ راست مملکت میں داخلے کے حوالے سے اہم وضاحت جاری کی ہے۔

عرب میڈیا کے مطابق مملکت میں جوازات کے ٹوئٹر ہینڈل پر ایک تارک وطن نے استفسار کیا کہ سعودی عرب میں ایسٹرا زنیکا ویکسین کی پہلی خوراک لی دوسری خوراک اپنے ملک میں لی، کیا براہ راست مملکت آیا جاسکتا ہے؟۔

اس ضمن میں محکمہ پاسپورٹ نے وضاحت پیش کی کہ پابندی والے ممالک سے مسافروں کے مملکت آنے کے لیے لازمی ہے کہ انہوں نے سعودی عرب سے جانے سے قبل کورونا ویکسین کی دونوں خوراکیں حاصل کرلی ہوں اور آن لائن پلیٹ فارم توکلنا ایپ پر ان کا اسٹیٹس امیون ہونا بھی لازمی ہے۔

سعودی عرب سے باہر گئے ہوئے غیرملکیوں کی مشکل آسان

مذکورہ زمرے کے افراد براہ راست سعودی عرب آسکتے ہیں تاہم انہیں چاہیے کہ وہ مملکت آمد سے 70 گھنٹے قبل ’قدوم پورٹل ‘ پرخود کو رجسٹرکرائیں تاکہ امیگریشن کی کارروائی جلد مکمل کی جاسکے۔

قبل ازیں سعودی محکمہ پاسپورٹ کا کہنا تھا کہ وہ غیرملکی جو چھٹیوں پر مملکت سے گئے ہوئے ہیں وہ باہر رہتے بھی اپنے اقامے کی تجدید آن لائن کراسکتے ہیں۔ جوازات نے بیرون مملکت موجود تارکین وطن کے اقامے کی تجدید کی سہولت آن لائن بھی فراہم کر رکھی ہے۔

Comments

یہ بھی پڑھیں