The news is by your side.

Advertisement

براہِ راست پروازیں اور رعایتی ٹکٹیں، مسافروں کیلئے جلد بڑی خوش خبری کی امید!

کویت سٹی: کویتی فیڈریشن آف ٹورازم اینڈ ٹریول کا کہنا ہے کہ کویت میں انٹرنیشنل ایئرپورٹس کو مکمل بحال کرنے کی وجہ سے ٹکٹوں کی قیمتوں میں 50 فیصد کمی ہوگی۔

فیڈریشن آف ٹورازم اینڈ ٹریول بورڈ کے مطابق کویتی ہوائی اڈوں کی مکمل بحالی سے براہ راست پروازوں سمیت دیگر فلائٹس کی ٹکٹوں میں بھی پچاس فیصد تک کمی متوقع ہے۔ ایئرپورٹس کو پوری صلاحیت سے چلانے کے بارے میں کابینہ وزراء کے فیصلے نے ہوا بازی، سیاحت اور سفری شعبوں میں مثبت ماحول پیدا کیا ہے۔

عرب میڈیا کی رپورٹ کے مطابق اس اقدام سے ناصرف مسافروں کو فائدہ ہوگا بلکہ معیشت پر بھی بہتر اثرات مرتب ہوں گے، ہوائی اڈے وبا سے پہلے کی طرح کام کریں گے۔

کویتی سول ایوی ایشن وبائی بحران کے آغاز سے پہلے کی طرح اپنی پوری صلاحیت کے ساتھ کام کرے گا، ہوائی اڈوں کے کھلنے سے ایئر لائنز اور مسافروں کے آپریشن میں اضافہ ہوگا۔

مسافروں کے لیے ٹکٹوں کی مانگ میں بھی اضافہ ہوگا، ہوائی اڈوں پر عائد جزوی پابندیاں ہٹائے جانے کے بعد ان کی مکمل بحالی سے ملازمتوں کے بھی مواقع ملیں گے، مسافروں کو کویت سے جانے آنے میں بھی آسانی ہوگی۔

Comments

یہ بھی پڑھیں