The news is by your side.

Advertisement

شبنم گل کی تعیناتی میرٹ اور قواعد کے مطابق ہوئی ہے، نیکٹا کی وضاحت

اسلام آباد : قومی ادارہ برائے انسداد دہشت گردی (نیکٹا) نے واضح کیا ہے کہ وزیر مملکت زرتاج گل کی اسسٹنٹ پروفیسر بہن شبنم گل کی تعیناتی میرٹ اور قواعد کے مطابق ہوئی ہے۔

تفصیلات کے مطابق وزیر مملکت برائے موسمیاتی تبدیلی زرتاج گل کی بہن شبنم گل کی بحیثیت ڈائریکٹر نیکٹا کی براہ راست تقرری کو سوشل میڈیا پر کچھ حلقوں کی جانب سے اعتراض کیا جارہا تھا جس پر ترجمان نیکٹا نے وضاحت دی ہے کہ شبنم گل کی تعیناتی خالصتاً میرٹ اور قواعد و ضوابط کے مطابق ہوئی ہے۔

شبنم گل لاہور کالج برائے خواتین میں گریڈ18کی اسسٹنٹ پروفیسر ہیں، وہ پی ایچ ڈی اسکالرہیں وہ انتہاء پسندی اور دہشت گردی کے حوالے سے مقالے بھی تحریر کرچکی ہیں۔

نیکٹا نے اپنے وضاحتی بیان میں مزید کہا ہے کہ ڈیپوٹیشن پر گریڈ17سے گریڈ 19تک تعیناتی کیلئے وفاقی و صوبائی محکموں سے12درخواستیں موصول ہوئیں، جس کیلئے تین رکنی کمیٹی نے انٹرویوز کیے، شبنم گل منتخب کیے گئے امیدواروں میں سے ایک ہیں، کمیٹی نے میرٹ پر ان کی تعیناتی کی سفارش کی تھی۔

Comments

comments

یہ بھی پڑھیں