واشنگٹن: امریکی ریاست فلوریڈا کے جزیرے سے نایاب نسل کا 100 سالہ بوڑھا کچھوا دریافت ہوا ہے۔
غیرملکی خبررساں ادارے کی رپورٹ کے مطابق شہر فرنندینا میں جزیرے پر سوسال کا مادہ معمر کچھوا دیکھا گیا۔ ماہرین کا کہنا ہے مذکوہ نسل کے کچھوے ناپید ہوچکے ہیں جن کی چند ہی تعداد باقی ہے ایسے میں اس کچھوے کو حاصل کرنا ایک بڑی کامیابی ہے۔
حیاتیات سے متعلق قائم کے گئے عالمی ادارے کا کہنا ہے کہ اس خبر کی تصدیق کرنا قبل از وقت ہوگا جب تک معاملے کی تحقیق نہ کی جائے۔ دریافت ہونے والے نایاب نسل کے کچھوے کا سر غلابی رنگ کا ہے۔
ماہرین حیاتیات کا کہنا ہے کہ جہاں ایک جانب جنگی اور نایاب جانور ناپید ہورہے ہیں ایسے میں مذکورہ دریافت جانوروں کے زندہ رہنے کے لیے ایک امید کی کرن ہے، یہ اس جزیرے پر حاصل کی گئی سب سے بڑی کامیابی ہے۔
چین میں نایاب نسل کے آخری مادہ کچھوے کی پراسرار موت
انہوں نے کہا کہ ماحولیاتی آلودگی کے باعث کئی جانور مررہے ہیں لیکن اب بھی ایسے طویل عمر پانے والے کچھوے موجود ہیں جو حالات کا مقابلہ کرتے ہوئے زندہ ہیں۔
خیال رہے کہ کچھوا زمین پر پائے جانے والے سب سے قدیم ترین رینگنے والے جانداروں میں سے ایک ہے۔ کچھوؤں کی اوسط عمر بہت طویل ہوتی ہے۔ عام طور پر ایک کچھوے کی عمر 30 سے 50 سال تک ہوسکتی ہے۔
