جنوبی کوریا کے سابق گورنر کو جنسی زیادتی پر ساڑھے 3 سال قید کی سزا
The news is by your side.

Advertisement

جنوبی کوریا کے سابق گورنر کو جنسی زیادتی پر ساڑھے 3 سال قید کی سزا

سیئول: جنوبی کوریا میں سابق گورنر آن ہی جنگ کو جنسی زیادتی کے کیس میں ساڑھے تین سال قید کی سزا سنائی گئی ہے۔

غیرملکی خبررساں ادارے کے مطابق جنوبی کوریا کے سابق گورنر آن ہی جنگ کو اپنی سیکریٹری کم جی یون کو جنسی زیادتی کا نشانہ بنانے پر عدالت نے ساڑھے تین سال قید کی سزا سنادی۔

گزشتہ برس سابق گورنر کی سیکریٹری نے ایک ٹی وی چینل کے لائیو پروگرام میں جنسی زیادتی کا نشانہ بنائے جانے کا انکشاف کیا تھا۔

سابق گورنر کی سیکریٹری کم جی یون کا کہنا تھا کہ انہیں 8 ماہ کے دوران 4 بار جنسی زیادتی کا نشانہ بنایا گیا اور ایسا گورنر ہاؤس میں دیگر لڑکیوں کے ساتھ بھی کیا گیا۔

مزید پڑھیں: کیس کے فیصلے کو بگاڑنے کا الزام، جنوبی کوریا کے سابق چیف جسٹس گرفتار

سیکریٹری کے الزامات کے بعد ڈیموکریٹک پارٹی نے گورنر کو پارٹی سے نکال دیا تھا، گورنر آن ہی جنگ نے پارٹی کا فیصلہ قبول کرتے ہوئے گورنر کے عہدے سے استعفی دے دیا تھا، انہوں نے زیادتی کا شکار لڑکی سے معذرت بھی کی تھی۔

جنسی زیادتی کا معاملہ عدالت تک پہنچا اور گورنر کو الزام ثابت ہونے پر ساڑھے تین سال قید کی سزا سنادی گئی۔

رپورٹ کے مطابق سابق گورنر نے طاقت کا استعمال کرتے ہوئے تمام شواہد مٹا دئیے تھے اس لیے انہیں عدالت سے کم سے کم سزا ہوئی ہے۔

Comments

comments

یہ بھی پڑھیں