اسلام آباد: وزیراعظم کی معاون خصوصی ثانیہ نشتر نے بھیس بدل کا احساس ایمرجنسی کیش مرکز کا اچانک دورہ کیا اور مستحق خواتین اور مرد حضرات سے مسائل دریافت کیے۔
اے آر وائی نیوز کی رپورٹ کے مطابق وزیراعظم کی معاون خصوصی ثانیہ نشتر نے صارف کا روپ لے کر بری امام کے کیش مراکز کا اچانک دورہ کیا، کیش مراکز میں موجود صارفین بھی انہیں نہ پہچان سکے۔
ثانیہ نشتر نے ایمرجنسی کیش کی وصولی کے دوران پیش آنے والے مسائل دیکھے، رقم کی تقسیم میں کرونا سے بچاؤ کے حفاظتی اقدامات کا بھی جائزہ لیا۔
معاون خصوصی نے ثانیہ نشتر نے سینٹر میں موجود مستحق خواتین اور مرد حضرات سے گفتگو بھی کی، ان کا کہنا تھا کہ حقائق کو جانچنے کے لیے اس طرح کے اچانک دورے بہت ضروری ہیں۔
Disguised in Burqa, I visited #EhsaasEmergencyCash payment site at Nurpur Shahan to monitor payments to category-3 beneficiaries that began today. It was intended to assess arrangements in terms of quality of services, transparency in payments & adherence to #COVID19 measures. pic.twitter.com/pArG02CQ0j
— Sania Nishtar (@SaniaNishtar) May 8, 2020
ثانیہ نشتر کا کہنا تھا کہ احساس ایمرجنسی کیش پروگرام میں سیاسی مداخلت اور اقربا پروری کا کوئی راستہ نہیں ہے، سماجی تحفظ کے اس پروگرام میں شفافیت ہماری اولین ترجیح ہے۔
یاد رہے کہ گزشتہ سال جون میں ثانیہ نشتر نے برقع پہن کر بی آئی ایس پی پوائںٹس کے اچانک دورے کیے تھے، ان کو برقع میں مستحق خواتین کے ساتھ مراکز میں دیکھ کر عملہ حیران رہ گیا تھا۔
ثانیہ نشتر کا کہنا تھا کہ وزیراعظم عمران خان نے غربا و مستحقین کی زندگیاں بدلنے کا عزم کررکھا ہے، بی آئی ایس پی امداد کے ساتھ پسماندہ علاقوں کے 80 ہزار غربا کو قرض دیں گے۔
