کراچی : اداکارہ مہوش نے حیات کراچی ایئرپورٹ کے بیت الخلاء میں گندگی اور لال بیگ دیکھ انتظامیہ کو کھری کھری سنا دی۔
تفصیلات کے مطابق پاکستانی فلم و شوبز انڈسٹری کی خوبرو اداکارہ مہوش حیات نے کراچی ائیرپورٹ کی انتظامیہ پر شدید برہمی کا اظہار کیا ہے جس کی وجہ ایئرپورٹ کے لیڈیز واش روم ہے۔
مہوش حیات پاکستانی شوبز انڈسٹری کی وہ اداکارہ ہیں جو شوبز کے علاوہ سماجی، سیاسی، عوامی و عالمی مسائل پر بھی کھل کر بات کرتی ہیں۔
گزشتہ روز اداکارہ نے کراچی ایئرپورٹ پر موجود گندگی پر انتظامیہ پر برس پڑی، مہوش حیات نے سماجی رابطے کی ویب سائٹ ٹوئٹر پر بھی انتظامیہ کو کھری کھری سناتے ہوئے کہا کہ کراچی ایئرپورٹ پر خواتین کےلیے مخصوص بیت الخلاء گندگی اور تعفن سے بھرپور تھا حتیٰ کے لال بیگ بھی موجود تھے۔
Disgusting! Had misfortune to use the ladies room at Khi Airport – dirty and stinking. Even saw cockroaches. Not only is it unhygienic but is this the first impression we want to give to people arriving here? These are the most basic amenities – let’s clean up our act
— Mehwish Hayat TI (@MehwishHayat) January 24, 2020
انہوں نے کہا کہ واش روم کا یہ حال نہ صرف پاکستانی عوام کے لیے مضر صحت ہے بلکہ باہر سے آنے والے لوگ یہ گندگی دیکھیں گے تو کیا تاثر لیں گے۔
اداکارہ مہوش حیات کا مزید کہنا تھا کہ بیت الخلا کی صفائی بنیادی سہولیات میں سے ایک سہولت ہے۔