کراچی : شہر قائد میں ڈکیتی و رہزنی کی وارداتیں ایک بار پر بڑھتی جارہی ہیں، یہی نہیں اب ڈاکو اپنی وارداتیں اتنی دیدہ دلیری سے کرتے ہیں جیسے انہیں کوئی پکڑنے والا ہی نہیں۔
کراچی کے علاقے گلشن اقبال بلاک تھری میں واقع ایک نجی بینک میں واردات کرنے والے ملزمان نے اے ٹی ایم مشین ہی اُکھاڑ لی۔
گلشن اقبال میں ڈسکو بیکری کے قریب ہونے والی واردات میں اے ٹی ایم اکھاڑ کر لے جانے کی کوشش کرنے والے چوروں کو ناکامی کا سامنا کرنا پڑا۔
پولیس نے اطلاع ملتے ہیں موقع پر پہنچ کر ملزمان کی کوشش ناکام بنادی، پولیس کے پہنچنے پر ملزمان منی ٹرک چھوڑ کر فرار ہوگئے۔
شہری کی15مددگار پر بروقت اطلاع سے بڑی واردات ناکام بنائی گئی، پولیس نے منی ٹرک اور اے ٹی ایم تحویل میں لے لی، واقعہ ڈسکو بیکری کے قریب نجی بینک میں پیش آیا۔ پولیس کے مطابق اس امر کی تحقیقات کی جارہی ہے کہ مشین سے چھیڑ چھاڑ یا اُکھاڑنے کے دوران کوئی الارم کیوں نہیں بجا۔
