نااہلی کیس، وزیر خارجہ خواجہ آصف کو جواب داخل کرانے کا حکمdisqualification
The news is by your side.

Advertisement

نااہلی کیس، وزیر خارجہ خواجہ آصف کو جواب داخل کرانے کا حکم

اسلام آباد : اسلام آباد ہائیکورٹ نے نااہلی کیس میں وزیر خارجہ خواجہ آصف کو جواب داخل کرانے کا حکم دے دیا۔

تفصیلات کے مطابق نوازشریف کے نااہل ہونے کے بعد اب وزراء کی باری آگئی، اسلام آباد ہائیکورٹ نے خواجہ آصف کی نااہلی کی درخواست پر تحریری حکم نامہ جاری کردیا۔

پی ٹی آئی کے عثمان ڈار کی درخواست پر جسٹس عامرفاروق کی سربراہی میں تین رکنی لارجربنچ نے حکم نامہ جاری کیا، حکم نامے میں کہا گیا ہےکہ خواجہ آصف نےحلف کی خلاف ورزی کی ہے، وفاقی وزیر دوسری نوکری نہیں کرسکتے۔

عدالت نے خواجہ آصف کو آئندہ ماہ کے تیسرے ہفتے میں جواب داخل کرانے کا حکم دے دیا۔

زیر خارجہ کےخلاف درخواست تحریک انصاف کے رہنما عثمان ڈار نے دائر کررکھی ہے ، جس میں کہا گیا تھا کہ  خواجہ آصف نے اقامہ الیکشن کمیشن سے چھپایا اور سرکاری عہدے پرغیر ملکی کمپنی کی ملازمت کی، خواجہ آصف کروڑوں روپےکی منی لانڈرنگ میں ملوث ہیں۔


مزید پڑھیں : پی ٹی آئی کا خواجہ آصف کیخلاف نااہلی کا ریفرنس دائر


درخواست میں تنخواہ چھپانے پر آرٹیکل 62کے تحت نااہل قرار دینے کی درخواست کی گئی ہے۔

واضح رہے سیالکوٹ سے خواجہ آصف کے حلقے سے پی ٹی آئی کے امید وار عثمان ڈار نے سماجی رابطے کی ویب سائٹ ٹوئٹر پر خواجہ آصف کے اقامے کی کاپی جاری کی تھی، جس کے مطابق خواجہ آصف بھی دبئی کی کمپنی میں ملازم ہیں۔


مزید پڑھیں : خواجہ آصف وفاقی وزیر ہونے کے ساتھ دبئی کمپنی کے ملازم نکلے


پی آٹی ٹی کے رہنما عثمان ڈار کا کہنا ہے کہ خواجہ آصف سے متعلق حیرت انگیز انکشافات سامنے آئے ہیں، آرٹیکل63،62کےتحت خواجہ آصف کو بھی گھر بھیجیں گے، اقامہ ان کمپنیوں سے لیا گیا، جنہیں پروجیکٹ کی مد میں فائدہ دیا گیا۔

انھوں نے مزید کہا کہ خواجہ آصف سے متعلق جو دستاویزات ملی ہیں وہ حیران کن ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں