پی ٹی آئی کے نو منتخب رکن فیصل واوڈا کی نااہلی کے لیے درخواست دائر
The news is by your side.

Advertisement

پی ٹی آئی کے نو منتخب رکن فیصل واوڈا کی نااہلی کے لیے درخواست دائر

کراچی : پاکستان تحریک انصاف کے نو منتخب رکن قومی اسمبلی فیصل واوڈا کے مشکل میں ایک اور اضافہ ہوگیا، فیصل واوڈا کی نااہلی کے لیے درخواست دائر کر دی گئی ۔

تفصیلات کے مطابق سندھ ہائی کورٹ میں پی ٹی آئی کے نو منتخب رکن قومی اسمبلی فیصل واوڈا کی نااہلی کے لئے درخواست دائر کر دی گئی۔

درخواست پیپلز پارٹی کے قادر خان مندوخیل نے دائر کی۔

درخواست میں مؤقف اختیار کیا گیا کہ فیصل واوڈا آرٹیکل 62 پر پورا نہیں اترتے، فیصل واوڈا نے اپنے حلف نامے میں برطانیہ, دبئی اور ملائشیا کی جائیداد قرض شدہ ظاہر کی۔

دائر درخواست میں کہا گیا کاغذات نامزدگی میں کسی فارن اکاونٹ کا ذکر نہیں ہے ، اس غیر ملکی جائیداد کی منی ٹریل نہیں دی گئی، ریٹرننگ افسر کے ریکارڈ میں کسی غیر ملکی جائیداد کا ذکر نہیں ہے۔

درخواست میں کہا گیا کہ اربوں کی جائیدادیں رکھنے والے فیصل واوڈا نے 2015 میں کوئی ٹیکس نہیں دیا، ریٹرننگ افسر نے فیصل کے خلاف یہ کہہ کر درخواست مسترد کی کہ اس نے دوہری شہریت چھوڑ دی جبکہ ریٹرننگ افسر کے ریکارڈ میں امریکی شہریت سرینڈر کرنے کا کوئی ریکارڈ نہیں۔

واضح رہے 25 جولائی کو ہونے والے انتخابات میں کراچی کے حلقے  این اے 249 سے پی ٹی آئی کے امیدوار فیصل واوڈا جیتے تھے، ان کا مقابلہ مسلم لیگ ن کے صدر شہباز شریف سے تھا۔

Comments

comments

یہ بھی پڑھیں