The news is by your side.

Advertisement

چھوٹے کاروباری طبقے کے 191 دکان داروں میں قرض حسنہ کے چیک تقسیم

پشاور: خیبر پختون خوا میں چھوٹے کاروباری طبقے کے 191 دکان داروں میں قرض حسنہ کے چیک تقسیم کر دیے گئے۔

تفصیلات کے مطابق وزیر اعلیٰ خیبر پختون خوا محمود خان نے دو سو کے قریب دکان داروں میں قرضہ حسنہ کے چیک تقسیم کیے، اس کا مقصد چھوٹے کاروباری طبقے کو اپنے کاروبار مضبوط کرنے میں مدد کی فراہمی ہے۔

اے آر وائی نیوز کے مطابق وزیر اعلیٰ کے پی نے پہلے مرحلے میں 75 لاکھ 35 ہزار روپے کے بلا سود قرضے دیے، پروگرام کے مطابق سرمائے کی کمی کے شکار چھوٹے دکان داروں کو 15 سے 75 ہزار روپے قرضہ دیا جا رہا ہے۔

محمود خان پشاور میں منعقدہ تقریب سے خطاب کرتے ہوئے

وزیر اعلیٰ محمود خان کا کہنا تھا کہ پس ماندہ طبقے کو اپنے پاؤں پر کھڑا کرنا وزیر اعظم کی پالیسیوں کا محور ہے، اس پروگرام کا دائرہ کار دیگر اضلاع تک پھیلایا جائے گا، جو لوگ باوقار زندگی جینا چاہتے ہیں حکومت ان کی مدد کرے گی۔

اس سلسلے میں پشاور میں منعقدہ ایک تقریب سے خطاب کرتے ہوئے محمود خان نے کہا کہ قرضوں کی فراہمی پبلک پرائیویٹ پارٹنر شپ کے تحت احساس پروگرام کا اہم حصہ ہے۔

واضح رہے کہ گزشتہ برس مئی میں وزیر اعظم عمران خان نے احساس قرض حسنہ اسکیم کی منظوری دی تھی، اسکیم کے لیے اضافی 5 ارب روپے کی رقم مختص کی گئی تھی، اسکیم کے تحت نوجوانوں اور خواتین کو 80 ہزار تک قرض دیا جا رہا ہے۔ یہ منصوبہ بہ یک وقت چاروں صوبوں میں شروع کیا گیا، 26 وفاقی ادارے منصوبے کی تکمیل میں معاونت کر رہے ہیں۔

fb-share-icon0
Tweet 20

Comments

comments

یہ بھی پڑھیں