کراچی : سمن آباد بلاک 18 فیڈرل بی ایریا میں اسٹریٹ کی وارداتیں بڑھ گئی اور مسلح ملزمان باری باری علاقہ مکینوں کو لوٹنے لگے۔
تفصیلات کے مطابق کراچی میں ڈسٹرکٹ سینٹرل جرائم پیشہ عناصر کی آماجگاہ بن گیا ، سمن آباد بلاک 18 فیڈرل بی ایریا میں اسٹریٹ کرائم کی وارداتیں جاری ہے۔
مسلح ملزمان باری باری علاقہ مکینوں کو لوٹ رہے ہیں ، جس کی سی سی ٹی وی فوٹیج سامنے آگئی ہے۔
فوٹیج میں دیکھا جاسکتا ہے پہلے اسلحے کے زور پر کارسوار پھر موٹرسائیکل سوار کو لوٹا۔
جس کے بعد ملزمان کو موٹرسائیکل پر آتے دیکھا جا سکتا ہے، ایک ملزم نے اترتے ہی پستول نکالی اور کار کی جانب گیا ،معصوم بچہ اپنے والد کو لٹتے ہوئے دیکھتا رہا۔
ملزم نے کار سوار کو لوٹنے کے بعد موٹرسائیکل کا رخ کیا ،موٹر سائیکل سوار کو بھی لوٹا اور فرار ہوگئے۔
حیرت انگیز طور پر موٹر سائیکل پر بیٹھا ملزم گھر کے دروازے پر کھڑے نوجوان کو اشارے کرتا رہا ، بظاہر ملزم اس کو اندر جانے کا بولتا رہا تاکہ وہ محفوظ رہے۔
فوٹیج میں ملزمان کے چہرے واضح طور پر پہچانے جا سکتے ہیں۔
