The news is by your side.

Advertisement

مری میں شدید برفباری سے 21 سیاحوں کے جاں بحق ہونے کی تصدیق

مری: ڈویژن آفیسرایمرجنسی ڈاکٹرعبدالرحمان نے مری میں شدید برفباری سے 21افرادکے جاں بحق ہونے کی تصدیق کردی ، جس میں دوخواتین اور آٹھ بچے بھی شامل ہیں۔

تفصیلات کے مطابق ڈویژن آفیسرایمرجنسی ڈاکٹرعبدالرحمان نے مری میں 21 افراد کے جاں بحق ہونے کی تصدیق کرتے ہوئے کہا سیاحوں کی پھنسی گاڑیوں کو نکالا جارہاہے اور سیاحوں کو ریسکیو کرکے قریبی عمارتوں میں منتقل کیا جارہا ہے۔

دوسری جانب مری میں شدید برفباری سے انتقال کرنیوالوں کی تفصیلات سامنے آگئیں ہیں ، جس کے مطابق انتقال کرنے والوں میں گوجرانوالہ کے 31سال کے اشفاق، لاہور کے31سال کے معروف اور 24سال کے محمد بلال حسین بھی شامل ہیں۔

ریسکیوحکام کا کہنا تھا کہ گاڑی میں انتقال کرنے والے ایک شخص کی شناخت نہیں ہوسکی، انتقال کرنے والوں میں 35سال کی مسز شہزادعمران اور ان کے 2 بچے اور راولپنڈی کے 46سال کے محمد شہزاد بھی شامل ہیں۔

انتقال کرنے والوں میں اسلام آباد کے اےایس آئی نوید اقبال ، ان کی بیوی،4بیٹیاں،2بیٹے سمیت کمال آباد کا27سالہ زاہد بھی شامل ہیں۔

آر پی او کا کہنا ہے کہ مری میں برفباری کےباعث جاں بحق ہونے والوں میں سے ایک سیاح کا تعلق کمال آباد ، ایک کا گوجرانوالہ اور 2کاتعلق لاہورسےتھا
جبکہ جاں 3سیاحوں کا تعلق اسلام آباداور9افرادکا تعلق مردان سے ہے۔

Comments

یہ بھی پڑھیں