The news is by your side.

Advertisement

شادی کے 4 ماہ بعد بینش راجا کی طلاق؟

پاکستانی ڈرامہ انڈسٹری کی معروف اداکارہ بینش راجا نے طلاق سے متعلق پوسٹ شیئر کرکے مداحوں کو الجھن میں ڈال دیا۔

اداکارہ بینش راجا نے فوٹو اور ویڈیو شیرنگ ایپلی کیشن انسٹاگرام پر طلاق لکھا جس کے بعد سے قیاس آرائیاں کی جارہی ہیں کہ اگست 2021 میں رشتہ ازدواج میں منسلک ہونے والی اداکارہ کی طلاق ہوگئی ہے۔

بینش راجا نے طلاق کے عنوان سے تفصیلی کیپشن بھی لکھا۔

اداکارہ نے نے لکھا کہ بیشک عورت کو خمیدہ پسلی سے پیدا کیا گیا ہے اور یہی اس کی خوبصورتی کا راز اور اس کی طرف کشش کا راز ہے۔ اور اس بات میں کوئی عیب نہیں ہے، لہٰذا اگر وہ غلطی کرے تو اسے اس انداز میں نہ جھڑکیں جس میں نرمی نہ ہو اسے سیدھا کرنے کی کوشش کریں۔

بینش نے یہ بھی لکھاکہ دوسری صورت میں آپ اسے توڑ دیں گے اور اس کا ٹوٹنا، اس کی طلاق کا سبب بنے گا، اس پوسٹ سے اداکارہ کے چاہنے والے یہ اندازہ لگا رہے ہیں کہ بینش راجا نے شوہر سے راہیں جدا کرلی ہیں ۔

دوسری جانب اداکارہ نے شوہر کے ساتھ پوسٹ کی گئیں تمام تر سیلفیز کو بھی اپنے اکاؤنٹ سے ڈیلیٹ کردیاہے۔

بینش راجا پاکستان ڈرامہ انڈسٹری کی ابھرتی ہوئی اداکارہ ہیں، 2016 میں مقبول ترین ڈرامے سنگِ مرمر میں انہوں نے اپنی جاندار اداکاری کا لوہا منوایا۔

بعد ازاں انہیں یقین کا سفر، دل بے خبر اور زرد زمانوں کا سفر میں بھی ادکاری کے جوہر دکھاتے دیکھا گیا۔

Comments

یہ بھی پڑھیں