نئی دہلی: بھارتی اداکارہ زلزلے کے موقع پر بنائی گئی اپنی ویڈیو پر شدید تنقید کی زد میں آگئیں، انہوں نے زلزلے کو نہایت ایکسائٹنگ قرار دیا۔
کئی بھارتی ڈراموں میں کام کرنے والی بھارتی اداکارہ دیویانکا ترپاٹھی نے انسٹاگرام پر 21 مارچ کی شب اسٹوری پر ایک ویڈیو پوسٹ کی۔
ویڈیو زلزلے کے شدید جھٹکوں کے بعد کی ہے جو 21 مارچ کی شب محسوس ہوئے، زلزلے کا مرکز افغانستان تھا تاہم اس کے اثرات پاکستان کے کئی شہروں اور شمالی بھارتی علاقوں جیس چندی گڑھ اور نئی دہلی وغیرہ میں بھی محسوس ہوئے۔
ویڈیو میں اداکارہ نہایت پرجوش اور خوش دکھائی دے رہی ہیں اور کہتی ہیں، بہت مزہ آرہا ہے، میں اپنی زندگی کا پہلا زلزلہ دیکھ رہی ہوں۔
انہوں نے کہا کہ یہاں چندی گڑھ میں سب اپنے گھروں سے باہر آگئے ہیں، یہ سب بہت ایکسائٹنگ لگ رہا ہے۔
IS SHE FR???? pic.twitter.com/XxMT54dkqV
— 🇵🇰💫 (@SyedaaMahamm) March 22, 2023
اداکارہ کی اس ویڈیو پر انہیں شدید تنقید کا نشانہ بنایا گیا، ایک شخص نے لکھا کہ ترکی اور شام میں زلزلے سے متاثر لوگوں سے پوچھیں ان کے لیے یہ کتنا ایکسائٹنگ ہے۔
ایک اور صارف کا کہنا تھا کہ بے حسی کی انتہا ہے، ایک قدرتی آفت اداکارہ کو ایکسائٹنگ لگ رہی ہے۔ ایسی آفات میں لوگ اپنا جان و مال سب کچھ گنوا بیٹھتے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں