The news is by your side.

Advertisement

شاہ سلمان نے اہم فرمان جاری کردیا

ریاض: سعودی عرب میں خادم حرمین شریفین شاہ سلمان بن عبد العزیز کے شاہی فرمان کے مطابق ادارہ احتساب میں 38 ججز کی ترقی اور تقرر کردیا گیا۔

سعودی ویب سائٹ کے مطابق خادم حرمین شریفین شاہ سلمان بن عبد العزیز نے دیوان المظالم (ادارہ احتساب) میں 38 ججز کی ترقی اور تقرر کا شاہی فرمان جاری کیا ہے۔

ادارہ احتساب کے سربراہ ڈاکٹر خالد الیوسف نے بتایا کہ شاہی فرمان کے مطابق 36 ججز کو مختلف درجوں میں ترقی دی گئی ہے اور 2 ججز کا تقرر عمل میں آیا ہے۔

ڈاکٹر خالد الیوسف نے بتایا کہ ججز کی ترقی اور تقرر سے ادارہ احتساب کی کارکردگی بہتر ہوگی اور کام تیزی سے نمٹائے جاسکیں گے۔

انہوں نے کہا کہ اعلیٰ قیادت عدالتی عمل کو آسان اور شفاف بنانے کے لیے ہر ممکن تعاون دے رہی ہے۔

Comments

یہ بھی پڑھیں