The news is by your side.

Advertisement

‘جتنے مرضی جتن کرلو لیکن ۔۔۔۔۔۔۔۔۔۔۔۔۔’

اسلام آباد: وزیراعظم کے معاون خصوصی برائے سیاسی روابط شہباز گل کا کہنا ہے کہ پی ڈی ایم اسٹیج پر کرپٹ چہرے پاکستان کی تباہی کے ذمہ دارہیں، جتنے مرضی جتن کرلو لیکن اب ڈرامے بازیوں سے کام نہیں چلے گا۔

تفصیلات کے مطابق سماجی رابطے کی ویب سائٹ ٹوئٹر پر شہباز گل نے ٹوئٹ کیا کہ قوم جان چکی کرپشن آپ کا ایمان اور بلیک میلنگ آپ کے ہتھیار ہیں، طے ہوچکا نئے پاکستان میں کرپشن کے ناسوروں کے لیے کوئی جگہ نہیں ہے، استعفے اسپیکر کے بجائے ریجکٹڈمولانا کو جمع کرانا جعلی استعفوں کی دلیل ہے۔

انہوں نے لکھا کہ بھارتی کرونیکلز میں بہت سارے پاکستانی جعلی لبرل صحافی بے نقاب ہوئے، جعلی لبرل صحافی عمران خان اور پاکستانی فوج کے سخت ترین مخالف ہیں۔

“پی ڈی ایم کا ٹولہ اسی طرح روتا رہےگا”

معاون خصوصی کا کہنا تھا کہ جعلی لبرل صحافی صرف ن لیگ، پی پی اور پشتون تحفظ موومنٹ کےحامی ہیں، یہ اس وقت بھی پاکستان میں اپوزیشن کی تحریک کےحامی نظر آتے ہیں، چند صحافی جعلی انسانی حقوق ترجمان بھارت سے ملے ہوئے ہیں، یہ سب بھارت کے ساتھ مل کر پاکستان کو بدنام کرنے پر تلے ہیں۔

شہباز گل نے مزید کہا کہ یہ نوازشریف کے حامی اور بڑے ہندوستانی سوشل میڈیا نیٹ ورک کاحصہ ہیں۔

Comments

یہ بھی پڑھیں